Садыр Жапаров: Жакынкы арада Кытай – Кыргызстан – Өзбекстан темир жолунун курулушун баштайбыз

Садыр Жапаров: Жакынкы арада Кытай – Кыргызстан – Өзбекстан темир жолунун курулушун баштайбыз

Жакынкы арада Кытай – Кыргызстан – Өзбекстан темир жолунун курулушу башталат. Бул тууралуу президент Садыр Жапаров Кытайдын CGTN эл аралык телеканалына берген маегинде билдирди.

Жапаровдун айтымында, учурда Кытай – Кыргызстан – Өзбекстан темир жолунун долбоору макулдашуу стадиясында турат. КРнын президенти бул жолду достуктун, жакшы коңшулаштыктын жана туруктуу өнүгүүнүн жолу деп атап, анын курулушу жакынкы арада башталаарына ишенээрин айтты.

«Бул долбоор экономикалык потенциалы жагынан караганда масштабдуу. Темир жолдун курулушу Кыргызстан менен Өзбекстандын гана эмес, бүтүндөй Борбордук Азия чөлкөмүнүн транспорттук жана транзиттик потенциалын жогорулатат, анткени учурдагы иштеп жаткан темир жолдор Кытайдан башка өлкөлөргө, ошондой эле Европага ташылган товарлардын агымына туруштук бере албай бара жатат. Бул эл аралык мультимодалдык логистикалык борборлорду жана өнөр жай кластерлеринин тармагын түзүүгө мүмкүндүк берет.

Долбоор ар дайым эки тараптуу мамилелердин күн тартибинде турат, анын маңызы жана максатка ылайыктуулугу боюнча эч кандай саясий пикир келишпестиктер жок, долбоордун техникалык аспектилерине жана каржылык бөлүгүнө тиешелүү гана маселелер бар, аларды учурда үч өлкөнүн адистери иштеп жатышат. Биргелешкен аракет менен жакынкы аралыкта бул жолдун курулушун баштайбыз деп ишенем», – деди Жапаров.

Социалдык тармактардан бөлүшүү

АКЫРКЫ ЖАҢЫЛЫКТАР
Бишкек — Баткен аба каттамы 7-февралдан баштап жанданат 27 января 2023 г.    17:29
«Эйр Кыргызстан» авиакомпаниясынын учактары Африкага эч качан ижарага берилген эмес — ММБФтин банкрот болгон компания тууралуу билдирүүсү 27 января 2023 г.    17:11
Кыргызстанда өткөн жылы калктын 54% азык-түлүк менен аз өлчөмдө гана камсыз болушкан 27 января 2023 г.    16:58
Кыргызстан менен Өзбекстан 25 документке кол коюшту — ичинде чек ара боюнча келишим да бар 27 января 2023 г.    16:28
Кыргыз-өзбек мамлекеттик чек арасын делимитациялоо тарыхый окуя — Садыр Жапаров 27 января 2023 г.    15:44
Өткөн жылы мигранттар Кыргызстанга 2.7 млрд доллар которушкан — 8.8%га көп 27 января 2023 г.    15:19
Кыргызстанда немис заводдорун ачуу жана кыргызстандыктарды Германияда ишке орноштуруу маселеси Мюнхенде талкууланды 27 января 2023 г.    14:49
1.5 миң адам турак жай шылуундарынан жапа чекти — зыяндын суммасы 900 млн сомдон ашты 27 января 2023 г.    14:04
БАРДЫК ЖАҢЫЛЫКТАР
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40
Валюта Конвертери