«Газпромнефть» «Ош» аэропортунун май куюучу комплексинин 51% акциясына ээ болду

«Газпромнефть» «Ош» аэропортунун май куюучу комплексинин 51% акциясына ээ болду

«Газпром Нефть» компаниясынын авиациялык күйүүчү май бизнесинин оператору болгон «Газпромнефть-Аэро» Кыргызстандагы «Ош» эл аралык аэропортунун май куюучу комплексинин уставдык капиталынын 51% үлүшүн сатып алуу боюнча келишим түздү. Бул тууралуу компаниядан билдиришти.

Жаңы ишкана «Ош» аэропортунан ички жана эл аралык каттамдарды май менен камсыздайт. Авиа күйүүчү май «Газпромнефть» ААКнын Омск мунай иштетүүчү заводунан берилет.

«Газпромнефть-Аэро» ЖЧКсынын башкы директору Владимир Егоровдун айтымында, «Газпромнефть-Аэро» компаниясынын 2030-жылга чейинки өнүгүү стратегиясынын негизги багыттарынын бири – өзүнүн бөлүштүрүү тармагын 100дөн ашык май куюучу комплекстерге чейин кеңейтүү болуп саналат. Оштогу жаңы авиа күйүүчү май жайы компаниянын 66-май куюучу комплекси жана Кыргызстандагы экинчиси болуп калды.

«Буга чейин 2011-жылы республиканын борбордук аэропорту болгон «Манас» аэропортунан учактарга май куюп баштаганбыз. Ошто май куюучу комплексти алуу биз үчүн авиа күйүүчү май тармагын өнүктүрүүгө маанилүү инвестиция болду. «Газпромнефть-Аэро» компаниясы Ош шаарындагы май куюучу комплекстин инфраструктурасын учактарды жерде тейлөө боюнча эл аралык стандарттарга ылайык өнүктүрүүнү пландоодо. Ошондой эле күйүүчү майдын сапатын, өнөр жайдагы жана экологиялык коопсуздукту көзөмөлдөө боюнча ишкананын бирдиктүү техникалык саясаты киргизилет», – деди Егоров.

Ош аэропорту Кыргызстандын түштүк аймактарын Бишкек менен байланыштырган эң маанилүү транспорттук хаб болуп саналат. Аэропорт ички аба транспортунан тышкары, Москва, Дели жана Стамбул сыяктуу 30дан ашык багыттарга эл аралык каттамдарды аткарат.

Каттамдарды Avia Traffic, Air Manas, Tez Jet, Jazeera Airways, Aeroflot, S7 Group, Nordwind, Ural Airlines жана башка авиа компаниялар аткарышат.

Поделиться в соцсетях:

Последние новости

«Кепилдик фонду» 18 банкка сынак өткөрүп, эң мыкты креддик адистерди аныктады 2 декабрда 2022 г.    17:07
ЕРӨБ берген 12 млн доллар вагондорду сатып алууга жана бекемдөө иштерине кетет – келишимдин чоо-жайы 2 декабрда 2022 г.    16:11
Геосаясий фактор, логистика, алып-сатуу операциясы – Улуттук банк доллардын дефицитине түшүндүрмө берди 2 декабрда 2022 г.    15:37
Январь-ноябрь айларында пенсияга 52.5 млрд сом кетти – эң көп пенсионерлер Ош облусунда 2 декабрда 2022 г.    15:13
Доллардын курсу келерки жылы 83.3 сом деңгээлинде кармалат – ЕӨБдүн божомолу 2 декабрда 2022 г.    12:15
Кыргызстандын ИДПсынын өсүү темпи жыл аягында басаңдайт – ЕӨБ 2 декабрда 2022 г.    11:13
Япониянын тышкы соода уюму КРнын продукциясын экспорттоого көмөктөшөт 2 декабрда 2022 г.    10:14
«Манас» аэропортунда 1 млн сомдон ашык суммадагы баалуу металл уютундусу кармалды 2 декабрда 2022 г.    9:36
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют