Улуттук банк акыркы үч жылдагы эң ири интервенцияны ишке ашырды. Көбөйгөн суроо-талапты канааттандыруу үчүн коммерциялык банктарга эл аралык резервден дароо 86.5 млн доллар сатты.
2 млн доллар бүтүм түзүлгөн күнү сатылган, ал эми калган 84.5 млн долларды банктар кийинчерээк алышат. Ал бүтүмдөр интервенция күнүнөн башка датада түзүлгөн.
Эскерте кетсек, Улуттук банк 2022-жылдын эсебинен биринчи, жалпысынан акыркы жолу интервенцияны 12-январда ишке ашырып, анда да дароо 70.1 млн доллар саткан болчу.
2021-жылы жасалган 15 интервенцияда УБ доллардын өсүшүн кармап туруу үчүн эл аралык резервдерден 698.95 млн доллар короткон.
