Бүгүнкү күнү «InfoDocs» электрондук документ жүгүртүү системасы 941 мамлекеттик органда, анын ичинде алардын ведомстволук бөлүмдөрүндө жана жергиликтүү өз алдынча башкаруу органдарында өнөр жайлык иштөө режимине киргизилген. Бул тууралуу Санариптик өнүктүрүү министрлиги кабарлады.
Айтсак:
- 452 айыл өкмөтүнөн – 400
- 32 шаардын мэрияларынын ичинен – 29
- 32 шаардык кеңештин ичинен – 13
- 40 райондук мамлекеттик администрациядан – 35
- 7 облустагы ыйгарым укуктуу өкүлүнүн – 6
- 28 министрликтердин жана ведомстволордун борбордук аппаратында
- президенттин Администрациясында
- президенттин Иш башкармалыгында
- мамлекеттик органдардын 430 ведомстволук жана аймактык бөлүмдөрүндө киргизилген.
Мамлекеттик органдарда система киргизилгенден бери жалпысынан 2 млн 492 миң документ катталган. Жалпысынан 35 миң мамлекеттик жана муниципалдык органдардын кызматкерлери системанын колдонуучулары.
Бүгүнкү күндө КРнын президентинин Администрациясы, Тышкы иштер министрлиги, Экономика жана коммерция министрлиги, Юстиция министрлиги жана Улуттук статистикалык комитети менен документ алмашуулары электрондук форматта электрондук документ жүгүртүү системасында гана жүргүзүлүп жатканын ведомстводон белгилешти.
Бүгүнкү күндө айыл өкүмөттөрүнүн кошулуу пайызы 88% түзөт, анын ичинен:
- Талас облусу – 100%
- Баткен облусу – 100%
- Жалал-Абадская облусу – 98%
- Ысык-Көл облусу – 98%
- Нарын облусу – 94%
- Ош облусу – 76%
- Чүй облусу –74%.
Эске салсак, «Infodocs» электрондук документ жүгүртүү системасы – бул мамлекеттик органдарда, жергиликтүү өз алдынча башкаруу органдарында, мамлекеттик ишканаларда жана мекемелерде иш кагаздарын жүргүзүүнү автоматташтыруу жана документтерди электрондук форматка өткөрүү үчүн арналган маалыматтык система, бул документ жүгүртүүнү натыйжалуу башкарууга, борборлоштуруп сактоого мүмкүндүк, документтер боюнча иштердин аткарылышын контролдоону жогорулатуу, кызматкерлердин өндүрүмдүүлүгүн жогорулатуу, башкаруу чечимдерин кабыл алуу үчүн маалымат алууну жеңилдетүү жана иш кагаздарын жүргүртүүдөгү чыгымдарды азайтуу болуп саналат.
Анын негизги модулдары тескемелердин, буйруктардын, документтеринин кириш жана чыгыш электрондук базасын автоматтык түрдө түзүүгө мүмкүндүк берет. Жетекчи чексиз сандагы иш аткаруучулар үчүн ар кандай даталар, резолюциялар менен тапшырмаларды түзүп, ошондой эле алардын аткарылышын көзөмөлдөй алат.
Колдонуучу бир эле учурда бир нече буйрук менен иштей алат. Ар бир документке автоматтык түрдө номер ыйгарылат. Электрондук отчетторду жана архивдерди түзүүгө болот.
Электрондук документ жүгүртүү системасы Кыргыз Республикасынын Санариптик өнүктүрүү министрлигине караштуу «Инфоком» мамлекеттик ишканасы тарабынан иштелип чыккан.
