Бишкекте май айынын ортосунда «Германиялык экономиканын күндөрү» бизнес-форуму өтөт. Бул тууралуу инвестициялык агенттик (KADI) билдирди.
Уюм ошондой эле иш-чаранын алдында кыргыз-герман бизнес кеңеши түзүлөөрүн, ал Германия менен соода-экономикалык жана инвестициялык кызматташтыкты арттырууга эффективдүү кадам болуп, кийинчерээк эки өлкөнүн ишкер чөйрөсүнүн өкүлдөрүнүн өз ара аракеттенүүсү үчүн негизги аянтча болоорун билдирди.
Бизнес-форумдун алкагында энергетика секторун, агроөнөр-жай комплексин, маалыматтык технологияларды жана туризмди талкуулоо боюнча панелдик тематикалык сессиялар, ошондой эле жеке B2B жолугушуулары өткөрүлөт.
- Бизнес-форумга катышуу үчүн бул шилтеме аркылуу арыз толтуруу керек. Арыздар 2022-жылдын 18-февралына чейин кабыл алынат.
- Кошумча суроолор боюнча: 0777 33 77 44, 0997 99 99 49 телефондоруна кайрылсаңыздар болот.
