Мамлекеттик ипотекалык компанияга (МИК) 5.5 млрд сом бөлүнөт. Бул тууралуу президент Садыр Жапаров «ВБ» редакциясына берген маегинде билдирди.
Президенттин айтымында, МИК азыр кезекте турган мамлекеттик кызматкерлерге турак жай берип бүтсө, андан кийин каалаган жарандарга 25 жылдык мөөнөт менен бериле баштайт.
Мындан тышкары Жапаров 1.5 млрд сом үрөн жана жер семирткичкерди сатып алуу үчүн, 1 млрд сом ирригацияга бөлүнгөнүн кошумчалады. «Кыскасы, кайсы тармактагы маселени ыкчам чечиш керек болсо, ошол тармактарга беребиз», – деди президент.
