Баткен облусунда кичи ГЭС курулуп жатат. Курулушка жеке инвестор 1 млн доллардан ашык каражат бөлгөндүгүн Баткен районунун акими Учкунбек Жоробаев билдиргенин президенттин облустагы өкүлчүлүгүнүн маалымат кызматы билдирди.
Анын айтымында, ГЭС Кыштут айыл аймагын электр энергиясы менен камсыздамакчы.
Кичи ГЭСтин курулушу өткөн жылдын сентябрь айында башталып, ага 20 жумушчу тартылган. Иш жазга чейин бүтөрү күтүлүүдө.
Эскерте кетсек, Энергетика министрлиги Кыргызстанда 48 кичи ГЭСти курууну пландап жатат.
