Кыргызстандын Улуттук коопсуздук боюнча мамлекеттик комитети (УКМК) Казакстандагы кыргызстандыктардын кармалышы боюнча билдирүү жасады.
УКМК соода жана тейлөө тармагында иштеген КРнын жарандары жөн эле көчөдө жүргөн жеринен кармалып калышы мүмкүн экендигин билдирди.
«КРнын жарандарынын казакстандык укук коргоо органдарынын кызматкерлери тарабынан камакка алынган жана башка аракеттерине дуушар болгон Казакстандагы КРнын жарандарына карата казак компетенттүү органдары объективдүүлүктү камсыз кылат деп ишенебиз», – деп билдирди УКМК.
Атайын кызматтар байланышта
УКМК ошондой эле учурда Кыргызстан менен Казакстандын компетенттүү структураларынын ортосунда аймактык коопсуздукту жана укук тартибин камсыздоого багытталган зарыл болгон эки тараптуу байланыштар жүргүзүлүп жатканын кошумчалады.
Ведомство мурдагыдай эле учурдагы кырдаалды эске алып, казак тарап менен өз ара аракеттенүү уланып жатканын белгиледи.
«Эки тараптуу каналдар аркылуу Казакстандын компетенттүү түзүмдөрүнө Кыргызстандын жарандарынын Казакстандагы массалык башаламандыктарга жана талап-тоноолорго эч кандай тиешеси жок жана болушу мүмкүн эместиги тууралуу маалымат берилди», – деп айтылат УКМКнын билдирүүсүндө.
