Казакстанга жөнөтүлгөн КРнын Куралдуу Күчтөрүнүн тынчтыкты сактоочу аскердик контингенти миссиясын аткарууга киришкенин КРнын Коргоо министрлигинин маалымат кызматы билдирди.
Алар Алматы шаарынын ЖЭБ-2 маанилүү стратегиялык объектисин кайтарып жатышканын ведомстводон кабарлашты.
Жамааттык коопсуздук жөнүндө келишимдин 1992-жылынын 15-майындагы 4-беренесине ылайык, КРдан Казакстанга 150 аскер кеткен.
Белгилей кетсек, бүгүн, 10-январда, Министрлер Кабинетинин Төрагасы Акылбек Жапаров ЖККУнун онлайн режиминде өткөн кезексиз жыйынына катышып, сөз сүйлөдү. Ал эми президент Садыр Жапаров эмгек өргүүсүнө кетти.
