КРнын ун чыгарган мекемелер Ассоциациясына кирген ун заводдорунда 2 айга жете турган ун жана дан азыктарынын запасы бар. Бул тууралуу Монополияга каршы мамлекеттик агенттикте өткөн жыйында аталган бирикменин төрагасы Рустам Жунушев билдирди.
Жунушев ошондой эле мурда түзүлгөн келишимдерге ылайык, январь айында Россиядан 30-40 миң тонна дан келиши күтүлүп жатканын да белгилеп өттү.
Белгилей кетсек, кечээ, 6-январда Монополияга каршы мамлекеттик агенттикте Казакстандагы окуяларга байланыштуу социалдык маанидеги товарлардын баасын негизсиз жогорулатууга жол бербөө максатында жыйын өткөн. Жыйынга «Народный», «Глобус», «Фрунзе», «Яр-Марка» соода түйүндөрүнүн жана ун ишканаларынын өкүлдөрү катышты.
