Жаңы салык кодексине ылайык, милдеттүү патент болбойт

Жаңы салык кодексине ылайык, милдеттүү патент болбойт

Жаңы салык кодексине ылайык, милдеттүү патент болбойт. Бул тууралуу бүгүн, 22-декабрдагы Жогорку Кеңештин жыйынында Салык кызматынын төрагасынын орун басары Бекболот Алиев билдирди.

Жыйында депутат Улукбек Садиков жаңы Салык кодексине ылайык, милдеттүү патенттин тагдыры тууралуу карапайым калкка жалпак тил менен түшүндүрүп берүүнү өтүндү.

«Милдеттүү патент болбойт, ал жок, контрактык салык төлөө да болбойт. Бирок ыктыярдуу патент калып жатат, өкмөт кайсы тармакка калтырат, карап чыгып, аны кескин түрдө кыскартууга барабыз», – деди Алиев.

Бирок депутатты Алиевдин жообу канааттандырган жок. Садиков бул элге түшүнүксүз болуп жатканын айтып, кодексте патент калганын айтты.

«Эгер ишкердин 8 млн сомго чейин акча жүгүртүүсү болсо, ККМди колдонсо, сырттан экспорттук-импорттук аракеттерди жасабаса, бирдиктүү салык режимин тандаган учурда алар киреше, КНС салыктарынан бошотулуп, нөл пайыздык ставка менен иштейт. Эгерде патентти буга чейин алдын ала алып алган болсо, анда ал бүткүчө ошол патент менен иштеп турат», – деди Алиев.

Анын айтымында, эгер ишкердин колунда жумушчулары бар болсо, анда алардын айлыгынын эсебинен киреше салыгын жана социалдык чегерүүлөрдү кармап калышы керек.

«Кыргызда бөрк ал десе, баш алгандар бар. Негизи этап-этапка бөлүп, жеңилирээк система менен өтсөңөр болмок. Бир жылда 80 млрд сомго бюджетти көтөрөбүз деп мактанып алдыңыздар. Элге эле кыйын болот. Бул мыйзамдын чийки жерлери бар, бүгүн эле өткөрө коюш туура эмес деп ойлойм», – деди Садиков.

Поделиться в соцсетях:

Последние новости

«Кепилдик фонду» 18 банкка сынак өткөрүп, эң мыкты креддик адистерди аныктады 2 декабрда 2022 г.    17:07
ЕРӨБ берген 12 млн доллар вагондорду сатып алууга жана бекемдөө иштерине кетет – келишимдин чоо-жайы 2 декабрда 2022 г.    16:11
Геосаясий фактор, логистика, алып-сатуу операциясы – Улуттук банк доллардын дефицитине түшүндүрмө берди 2 декабрда 2022 г.    15:37
Январь-ноябрь айларында пенсияга 52.5 млрд сом кетти – эң көп пенсионерлер Ош облусунда 2 декабрда 2022 г.    15:13
Доллардын курсу келерки жылы 83.3 сом деңгээлинде кармалат – ЕӨБдүн божомолу 2 декабрда 2022 г.    12:15
Кыргызстандын ИДПсынын өсүү темпи жыл аягында басаңдайт – ЕӨБ 2 декабрда 2022 г.    11:13
Япониянын тышкы соода уюму КРнын продукциясын экспорттоого көмөктөшөт 2 декабрда 2022 г.    10:14
«Манас» аэропортунда 1 млн сомдон ашык суммадагы баалуу металл уютундусу кармалды 2 декабрда 2022 г.    9:36
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют