«Кумтөр Голд Компани» ЖАК үстүбүздөгү жылдын 11 айында бюджетке 11.7 млрд сомдон ашык каражат которгонун билдирди.
Компаниянын маалыматы боюнча, каржы министри Алмаз Бакетаев дүң кирешеге салык боюнча гана (алтын сатуудан түшкөн кирешенин 13%) маалыматын жарыялаган. План боюнча 6 млрд 916 млн сом каралган болсо, «Кумтөр» 6 млрд 998 млн сом төлөгөн.
Жалпысынан 11 айда 11 млрд 714 млн сом салык, анын ичинде социалдык камсыздандыруу төлөмдөрү төлөнгөн. Ошол эле мезгилде 8 млрд 2 млн сом өлчөмүндө төлөмдөр каралган.
«Кумтөр» жыл аягына чейин мурда жарыяланган планды 1.5 эсеге ашык аткарып, 13 млрд сомдон ашык салыкты төлөөнү пландап жатканын билдирди.
Компания ошондой эле келерки жылдын башында толук жыл жыйынтыгы боюнча отчетун жарыялоону убада кылды.
