Финансы министрлиги: «Кумтөрдөн» канча алтын сатылганын биз билбейбиз, «Кыргызалтын» билет

Финансы министрлиги: «Кумтөрдөн» канча алтын сатылганын биз билбейбиз, «Кыргызалтын» билет

Кечээ, 13-декабрда Бюджет жана финансы боюнча комитетинин жыйынында депутат Осмон Турдумамбетов «Кумтөрдүн» алтындары кайда сатылып жатканы тууралуу суроосун Финансы министри Алмаз Бакетаевге жолдогон эле. Министр өз кезегинде ал тууралуу маалыматы жок экендигин билдирген болчу.

Бүгүн, 14-декабрда Финансы министрлиги «өз компетенциясынын чегинде» кайрадан төмөнкүлөрдү билдирди.

«Кумтөр кениндеги өндүрүштүн акыркы продуктусу алтын, күмүш жана башка аралашмаларды камтыган Доре эритмеси болуп саналат. Аны аффинаждык заводдо иштетип, андан ары сатуу үчүн «Кыргызалтын» ААК сатып алат», – дейт министрлик.

Министрлик Кумтөр кенинен өндүрүлгөн продукцияны сатууга байланышкан бул маселе «Кыргызалтын» ААКтын компетенциясына кирерин кошумчалап, анын функцияларына консолидацияланган бюджеттин киреше жана чыгаша бөлүктөрүн болжолдоо, кирешелерге мониторинг жүргүзүү жана талдоо кирерин билдирди.

«Буга байланыштуу «Кумтөр Голд Компани» ЖАК 2020-жылы республикалык бюджеттин киреше бөлүгүнө 9 млрд 618.7 млн ​​сом, ал эми 2021-жылдын 11 айында 6 млрд 998.8 млн сом түшкөнүн маалымдайбыз», – деп айтылат министрликтин маалыматында.

Жогоруда ведомствонун берген маалыматына таянсак, Кумтөрдөн түшкөн киреше үчтөн бирге кыскарып, бюджетке 2.6 млрд сом түшпөй калган.

Социалдык тармактардан бөлүшүү

АКЫРКЫ ЖАҢЫЛЫКТАР
Салык кызматынын лотореясынан батирди, автоунааларды уткандар аныкталды 25 января 2023 г.    17:38
АРИС Баткендеги соцобъектилерди курууга кеткен чыгымды ашыкча баалады деген билдирүүнү четке какты 25 января 2023 г.    16:47
Бензин бир айдын ичинде 5-6 сомго арзандайт — Монополияга каршы орган билдирди 25 января 2023 г.    15:28
№47 түзөтүү колониясынын ордуна 10 миң батирлүү кичирайон курулат 25 января 2023 г.    14:13
«Кумтөр Голд Компани» камактагы Тенгиз Бөлтүрүктүн катына жооп берди 25 января 2023 г.    13:36
Бажы кызматкерлери КРдан накталай доллар алып чыгууда аларга кайрылууну суранышат 25 января 2023 г.    12:41
Германия сөзүнө турду — КРнын карызын кечип, биринчи транш менен 5 млн евро «МИК» ААКга берди 25 января 2023 г.    11:28
Президент Чоң-Алай районунда памирлик кыргыздар үчүн 400 үй куруп берүүнү убадалады 25 января 2023 г.    10:49
БАРДЫК ЖАҢЫЛЫКТАР
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40
Валюта Конвертери