Бекешев: Казакстанга качан, канча көлөмдө суу бердик, так маалымат бергиле

Бекешев: Казакстанга качан, канча көлөмдө суу бердик, так маалымат бергиле

Бүгүн, 9-декабрда Жогорку Кеңештин жыйынында депутат Дастан Бекешев Казакстанга берилген суу боюнча так маалымат берүүнү талап кылды.

Эскерте кетсек, Казакстандын премьер-министри Аскар Мамин КР министрлер кабинетинин башчысы Акылбек Жапаров менен Нур-Султан шаарында өткөн сүйлөшүүдө ал Токтогул суу сактагычынан кошумча суу берип жатканы үчүн Кыргызстанга ыраазычылык билдирген болчу.

Бекешев Кыргызстан жайында Казакстанга 330 млн куб метр сууну бергени тууралуу маалымат чыкканын, жайында КРда дыйкандарга суу жетпей жатса, казактарга суу берилгени кандай деген суроо салып, так маалымат талап кылды.  

«Ошол мезгилде бизге бир топ фермерлер, дыйкандар суу бергиле деп кайрылышкан. Биз аларга суу аз, жок деп айтканбыз. Мына кечээ эле суу боюнча маалымат чыкканда мага чылып башташты. Менимче, бул маселе боюнча мага эле эмес, башка депутаттарга да кайрылышкан. Урматтуу президенттин өкүлү, качан, канча көлөмдө Казакстанга суу бергенбиз, так маалымат бергиле. Бекер алдыкпы электр энергиясын же акчага алдыкпы, канча киловатт/саат алдык, толук, так маалымат бергиле», деди ал.

Ага кошумча депутат Токтогул ГЭСи жазында иштейби-иштебейби деген суроону да ортого койду.

Ал эми «Улуттук энергохолдинг» Токтогулдан Казакстанга кошумча агызылып берген суу тууралуу комментарий берген. Холдингдин айтымында, компания ресурстарды сактоо жана суу сактагычтын терең түгөнүшүнө жол бербөө максатында үстүбүздөгү жылдын март айында Казакстандын энергетикалык компаниялары менен электр энергиясын алуу боюнча келишимге кол коюлганын билдирген.

Келишимге ылайык, жайкысын аларга Токтогул ГЭСинен суу кошумча агызылып берилип, кышында казак тарап электр энергиясы түрүндө кайтармак.

Жалпысынан «Электр станциялары» ААК менен Казакстандын энергетикалык компаниясы 900 млн кВт/саат электр энергиясын өз ара алуу келишимине кол коюшту, андан кийин 2021-жылдан 2023-жылга чейин алынган электр энергиясын жалпысынан кайтарып берүү менен көлөмү 300 млн кВт/саатты түзөт.

8-декабрга карата Казакстандын энергетика системасынан электр энергиясын өз ара берүү кызматташтыгынын алкагында 616.4 млн кВт саат электр энергиясы алынган, деп айтылат билдирүүдө.

Эскерте кетсек, быйыл Нарын дарыясындагы суунун агып келиши аз болгон. Натыйжада, Токтогул суу сактагычында суунун көлөмү азайып, бул өлкөдө энергетика тармагында кризистин күчөшүнө алып келди. Мисалы, өткөн жылы суунун көлөмү 14 млрд 745 млн кубду түзсө, быйыл анын көлөмү 10 млрд 897 млн кубду түздү. Бул Токтогул суу сактагычында суу өтө эле азайып баратат дегенди билдирет.

Белгилей кетүүчү жагдай, үстүбүздөгү жылдын жай айларында Чүй өрөөнүндө суу жетишпей, эгиндер кургап, дыйкандар бир канча жолуу суу талап кылып, митингге чыгышкан болчу.

Ал эми кечээ, 8-декабрдагы Казакстандын өкмөтүнүн басма сөз кызматынын билдирүүсүндө кыргыз тараптын Токтогул суу сактагычынан кошумча суу агызып бергени Казакстандын түштүк облустарынын дыйкандарынын кургакчылык мезгилде сугат сууга болгон муктаждыгын канааттандырганы айтылат.

Поделиться в соцсетях:

Последние новости

Баткендин өнүктүрүү программасын тездетип жыл сайын 1.5 млрд сомду кошумча субсидиялоо сунушталды 5 декабрда 2022 г.    17:50
Белоруссиялык ишкана менен таштандыларды кайра иштетүү жаатында меморандумга кол коюлду 5 декабрда 2022 г.    17:15
CASA-1000 долбоорунун жаңы электр чубалгысынын тирөөчтөрүн орнотуу 78% аяктады 5 декабрда 2022 г.    16:45
Коррупцияга каршы күрөштөн үч жылдын ичинде 7.8 млрд сом түшкөн 5 декабрда 2022 г.    16:15
ЭВФ Кыргызстанда бюджет тартыштыгы жана мамлекеттик карыздын өсүшүн болжолдойт 5 декабрда 2022 г.    15:45
Ислам өнүктүрүү банкы «Менин үйүм 2021-2026» мамлекеттик турак-жай программасына кызыкдар 5 декабрда 2022 г.    15:10
Алгачкы кыргызстандык социалдык тармакты 80 миң колдонуучу жүктөп алды 5 декабрда 2022 г.    14:40
2022-жылдын январь-октябрь айларында мамкарызды төлөөгө дээрлик 29 млрд сом жумшалды 5 декабрда 2022 г.    14:10
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют