«Бакай Банк» USAID уюмунун жардамы менен HANSAINVEST фондунан каржылоо алды. Банк бул каражаттарды кичи жана орто бизнести колдоого жана жашыл экономика секторуна насыя берүүгө жумшай турганын USAID билдирди.
«Бакай Банк» Эл аралык өнүктүрүү боюнча USAID агенттигинин колдоосу менен алынган Moody’s Investors Service эл аралык агенттигинин татыктуу баалоосунун аркасында HANSAINVEST фондунан каржылоону тарта алды. Эскерте кетсек, 2020-жылы банкка В3 рейтинги ыйгарылган. Бүгүнкү күндө «Бакай Банк» эл аралык агенттиктен аккредитацияланган республикадагы жалгыз финансылык мекеме болуп саналат.
HANSAINVEST – Германиянын инвестициялык фонду. Компания портфелди башкаруу, камсыздандыруу жана финансылык консультацияларды сунуш кылат.
