Кыргыз фондулук биржасынын индекси 1180.88 пунктка жетти. Бул тууралуу КФБнын басма сөз кызматы билдирет.
Эксперттер бул факторду «Манас» эл аралык аэропортунун баалуу кагаздарынын өсүшү менен түшүндүрүүдө, анын баасы өткөн аптада 572 сомго чейин жогорулап, КФБнын индексине таасирин тийгизген.
Учурда «Манас» аэропортунун акцияларынын саны 27.8 млн бирдикти, ал эми капиталдаштыруу 15.9 млрд сомду түзөт. Компания 2008-жылдан бери КФБнын расмий тизмесинде жана эл аралык отчеттуулуктун жана ачыктыктын стандарттарына жооп берген жогорку натыйжалуулукту көрсөткөн биржанын үлгүлүү листингдик компаниялардын бири болуп саналат.
Дүйнөлүк практика көрсөткөндөй, акциянын баасынын динамикасы эки негизги фактордон көз каранды – компания ала турган пайда жана эсептик чен (акцияларды сатып алууда инвесторлор күткөн каалаган киреше).
Конкреттүү учурда, «Манас» аэропортунда баалуу кагаздардын наркынын өсүшүнө алып келген пайданын өсүшүнө 2021-жылы туристтик сезондун ийгиликтүү өтүшү жана коронавируска байланыштуу чектөөлөргө карабастан аба каттамдарынын санынын көбөйүшү таасир эткен.
