Акылбек Жапаров: Европа Биримдиги – биздин аймактын негизги соода өнөктөшү болуп саналат

Акылбек Жапаров: Европа Биримдиги – биздин аймактын негизги соода өнөктөшү болуп саналат

Бүгүнкү күндө Европа Биримдиги биздин аймактын негизги соода өнөктөшү болуп саналат, анын жалпы тышкы соодасынын үчтөн бирине жакыны туура келет. Бул тууралуу бүгүн, 5-ноябрда «Европа Биримдиги — Борбор Азия» экономикалык форумунда Министрлер Кабинетинин Төрагасы Акылбек Жапаров билдирди.

Ал белгилегендей, Борбордук Азия өлкөлөрүндө олуттуу жаратылыш ресурстары, энергетикалык ресурстардын жана пайдалуу кендердин чоң запастары, эң негизгиси жогорку квалификациялуу жумушчу күч бар.

2020-жылы өлкөлөрдүн жалпы ИДПсы болжол менен 290 млрд долларды, тышкы соода жүгүртүүсү 140 млрд доллардан ашты. Аймактын өлкөлөрү өнөр жай, айыл чарба, ирригация жана башка тармактарда ири инфраструктуралык долбоорлорду, транспорттук-логикалык системаларды ийгиликтүү ишке ашырууда. Маанилүү транспорттук артерияларды модернизациялоо  – аймактын деңизге чыга албаган өлкөлөрүнүн гүлдөшүнүн негизги компоненти – уланууда.

«Пандемиядан улам эл аралык ишкердик жигердүүлүк кескин төмөндөп кеткен. 2020-жылды кошпогондо, БА өлкөлөрүнүн экономикалары акыркы жылдары 5-7% диапазонундагы жогорку өсүү темпин көрсөткөн. Ошого карабастан, Дүйнөлүк банктын болжолдоолоруна ылайык, Борбордук Азия өлкөлөрү 2021-жылы ИДПнын өсүшүнүн оң динамикасын калыбына келтирип, 2022-жылы өсүү темптерин жогорулата алат», – деди Жапаров.

Министрлер кабинетинин төрагасы ошондой эле Борбордук Азия өлкөлөрү менен Евробиримдиктин ортосундагы соода-экономикалык жана инвестициялык байланыштардын акыркы он жылда байкалган туруктуу өсүүсүнө токтолду. Мунун бардыгы, анын пикири боюнча, кызматташтыктын келечегине жана аны тереңдетүү перспективаларына оптимизм менен кароого мумкундук берет.

Эскерте кетсек, бүгүн Бишкек шаарында «Европа Биримдиги — Борбор Азия» экономикалык форуму өтүүдө.

Форумга КРнын президенти Садыр Жапаров, Казакстан, Өзбекстандын өкмөт башчылары, Тажикстан менен Түркмөнстандын вице-премьер министрлери, Еврокомиссиянын аткаруучу вице-президенти Валдис Домбровскис жана эл аралык уюмдар менен бизнес коомчулуктун өкүлдөрү катышууда. Андан сырткары, Венгрия жана Австриянын тышкы иштер министрлери келген. Эл аралык иш-чаранын алкагында ишкерлердин бизнес-форуму да өтүүдө.

Поделиться в соцсетях:

Последние новости

Кыргызстандыктар үчүн АКШнын туристтик визасы 5 жылдан 10 жылга чейин узартылышы мүмкүн 6 декабрда 2022 г.    17:50
Кеминде спорт комлексти куруунун ордуна ишкер 7.4 млн сомду жеке кызыкчылыгына пайдаланган – Башкы прокуратура 6 декабрда 2022 г.    17:20
Баткенде дээрлик 6 тоннаны түзгөн контрабандалык күрүч кармалды 6 декабрда 2022 г.    16:50
Суу чарба объектилерин оңдоого 956 млн сом сарпталды 6 декабрда 2022 г.    16:20
Улуттук банк оффшордук аймактарга Кюрасаону киргизди 6 декабрда 2022 г.    15:50
2023-жылы Милдеттүү медициналык камсыздандыруу фондунун бюджети 27.2 млрд сомду түзөт 6 декабрда 2022 г.    15:18
«Аэро Номад Эйрлайнс» Бишкек-Гоа-Бишкек багыты боюнча чартердик каттамдарды ачат 6 декабрда 2022 г.    14:00
Кыргызстанда микрокредиттерди накталай эмес формада берүүгө мүмкүнчүлүк берилет 6 декабрда 2022 г.    13:30
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют