Энергетикалык кризис. Эксперт: министрлер кабинетинин бир гана чарасы калды, ал да – электр жарыгын өчүрүү

Энергетикалык кризис. Эксперт: министрлер кабинетинин бир гана чарасы калды, ал да – электр жарыгын өчүрүү

Жылытуу мезгили катастрофалык абалда. Эксперт Эрнест Карыбеков министрлер кабинетинин бир гана чарасы калды, ал да – электр жарыгын өчүрүү деп эсептейт. Бул тууралуу ал 28-октябрда «Кыргызстан энергетикалык кризистен канткенде чыга алат» аттуу тегерек столдо билдирди.

Анын айтымында, күз-кыш жылытуу мезгилинде электр энергиясын суткалык керектөө 60 млн кВт/сааттан ашса, ноябрдан мартка чейин Кыргызстан 9 млрд кВт/саатка жакын электр энергиясына муктаж.

«Бишкек шаарындагы ЖЭБ айына 300 млн кВт/саат, беш айда 1.5 млрд кВт/саат электр энергиясын иштеп чыгат. Ошондо дагы 7.5 млрд кВт саат калат. Алдыдагы беш айда өкмөт 1.5 млрд кВт саат импорттой алат дегенге ишене албай турам. Оптимист болсок да 6 млрд кВт саат калат. Калганын кайдан алабыз?» – деди Карыбеков.

Эксперт 4 млрд кВт/саатты Токтогул ГЭСи, калган 2 млрд кВт/саатты каскаддар жана чакан ГЭСтер камсыз кыла аларын божомолдоду. Бирок мынчалык көлөмдөгү электр энергиясын иштеп чыгуу үчүн Токтогул ГЭСи өзүндө болгон бардык суунун запасын — 12 млрд кубометрди жумшоосу керек. Карыбековдун айтымында, 1 млрд кВт саат электр энергиясын өндүрүү үчүн 3 млрд куб суу керектелет.

«Мурда эле өчүрүү керек болчу, азыр да кеч эмес. Өкмөт 2022-жылдын 1-апрелине чейин 7-7.5 млрд куб метр сууну үнөмдөөнүн бирден-бир жолу – өлкөнүн 25%га жакын керектөөчүнүн жарыгын беш айга өчүрүү, балким, андан да көп убакытка», – деди ал.

Поделиться в соцсетях:

Последние новости

«Кепилдик фонду» 18 банкка сынак өткөрүп, эң мыкты креддик адистерди аныктады 2 декабрда 2022 г.    17:07
ЕРӨБ берген 12 млн доллар вагондорду сатып алууга жана бекемдөө иштерине кетет – келишимдин чоо-жайы 2 декабрда 2022 г.    16:11
Геосаясий фактор, логистика, алып-сатуу операциясы – Улуттук банк доллардын дефицитине түшүндүрмө берди 2 декабрда 2022 г.    15:37
Январь-ноябрь айларында пенсияга 52.5 млрд сом кетти – эң көп пенсионерлер Ош облусунда 2 декабрда 2022 г.    15:13
Доллардын курсу келерки жылы 83.3 сом деңгээлинде кармалат – ЕӨБдүн божомолу 2 декабрда 2022 г.    12:15
Кыргызстандын ИДПсынын өсүү темпи жыл аягында басаңдайт – ЕӨБ 2 декабрда 2022 г.    11:13
Япониянын тышкы соода уюму КРнын продукциясын экспорттоого көмөктөшөт 2 декабрда 2022 г.    10:14
«Манас» аэропортунда 1 млн сомдон ашык суммадагы баалуу металл уютундусу кармалды 2 декабрда 2022 г.    9:36
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют