Бекболот Алиев: көмүскөдөгү тамекинин көлөмү 2 млрд даана же 25-30%га жетет

Бекболот Алиев: көмүскөдөгү тамекинин көлөмү 2 млрд даана же 25-30%га жетет

Республикада көмүскөдө жүгүртүлгөн тамекинин көлөмү 2 млрд даана же 25-30%га жетет. Бул тууралуу Экономика жана коммерция министринин орун басары Бекболот Алиев бүгүн, 3-ноябрдагы Жогорку Кеңештин жыйынында билдирди.

Ал жыйында «2019-жылы декабрда Санкт-Петербург шаарында кол коюлган ЕАЭБ мүчө мамлекеттердин тамеки продукциясына акциз тармагында салык саясатын жүргүзүүнүн принциптери жөнүндө макулдашууну ратификациялоо» тууралуу мыйзамдын долбоору тууралуу баяндама жасады.

Баяндамадан кийин депутат Алмазбек Токторов: «Көмүскөдөгү тамеки азыктарынын соодадагы көлөмү канча, саны барбы, силерде божомолдор болуш керек» деген суроосун салды.

«Көмүскөдөгү тамекилердин көлөмүн эсептөө ар түрдүү методикаларга тиешелүү болуп турат, анткени аябай чачылган. Расмий ташып келип жаткан компаниялар 40%га чейин болуп кетти деп айтышууда. Ошол эле убакта официалдуу башка бир эсептөөлөрдө жалпы жүгүртүүдөгү тамекилердин саны 25-30% болуп жатат. Номинал менен алганда 2 млрд даана бар деген эксперттик баалоолор бар», – деди министрдин орун басары.

Поделиться в соцсетях:

НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют