Кыргызстанда жакында «жашыл» такси пайда болот – электромобилдер иштеп баштайт

Кыргызстанда жакында «жашыл» такси пайда болот – электромобилдер иштеп баштайт

Бишкекте «жашыл» такси пайда болот, анын автопаркы толугу менен электромобилдерден турат. Бул тууралуу Economist.kg басылмасына Namba Group компаниясынын негиздөөчүсү Аман Тентиев билдирди.

Тентиевдин айтымында, Nissan үлгүсүндөгү алты электромобилдин биринчи партиясы Кыргызстанга келди, кийинки жумадан баштап алар бир нече мейманканаларды тейлей башташат. Андан кийин чек арада көйгөй жаралбаса, электр унаалары чоң көлөмдө алынып келине баштайт.

«Namba Way – ошол эле Namba Taxi бренди. Биз былтыр компанияны сатканбыз, бирок брендди сактап калдык, анткени концепцияны өзгөртүп жатабыз. Биз акырындап ушул «жашыл» такси түшүнүгүнө келе жатканбыз. Биздин шаардын экологиясында акыркы убакта чоң көйгөйлөр болууда», – деди ал.

Ишкер бир нече компаниялар менен биргеликте унааларды тез кубаттоого мүмкүндүк берген бүтүндөй инфраструктура түзүлүп жатканын белгиледи.

«Жашыл» такси экологиялык жактан таза эле болбостон, күйүүчү майдын кымбаттыгынан да көз каранды болбойт. «Бүгүнкү күндө бул абдан маанилүү болуп калды, анткени, өзүңүздөр билгендей, таксиге түшүү абдан кымбат. Бул биринчи кезекте күйүүчү майдын кымбаттыгына байланыштуу, ал эми электр энергиясынын баасы салыштырмалуу жеткиликтүү», – деди Тентиев.

Мындан тышкары, анын айтымында, рынокто мындай «оюнчунун» болушу баанын өсүшүн тартипке келтирет жана басаңдатат, анткени ар кандай атаандаштык жакшы натыйжа берет, башка такси кызматтары бааны көп көтөрө албайт.

Поделиться в соцсетях:

Последние новости

«Кепилдик фонду» 18 банкка сынак өткөрүп, эң мыкты креддик адистерди аныктады 2 декабрда 2022 г.    17:07
ЕРӨБ берген 12 млн доллар вагондорду сатып алууга жана бекемдөө иштерине кетет – келишимдин чоо-жайы 2 декабрда 2022 г.    16:11
Геосаясий фактор, логистика, алып-сатуу операциясы – Улуттук банк доллардын дефицитине түшүндүрмө берди 2 декабрда 2022 г.    15:37
Январь-ноябрь айларында пенсияга 52.5 млрд сом кетти – эң көп пенсионерлер Ош облусунда 2 декабрда 2022 г.    15:13
Доллардын курсу келерки жылы 83.3 сом деңгээлинде кармалат – ЕӨБдүн божомолу 2 декабрда 2022 г.    12:15
Кыргызстандын ИДПсынын өсүү темпи жыл аягында басаңдайт – ЕӨБ 2 декабрда 2022 г.    11:13
Япониянын тышкы соода уюму КРнын продукциясын экспорттоого көмөктөшөт 2 декабрда 2022 г.    10:14
«Манас» аэропортунда 1 млн сомдон ашык суммадагы баалуу металл уютундусу кармалды 2 декабрда 2022 г.    9:36
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют