Дастан Бекешев: Министрлер кабинети экономикага өзгөчө кырдаал киргизүү жөнүндөгү мыйзамды кабыл алууну кайрадан талап кылууда

Дастан Бекешев: Министрлер кабинети экономикага өзгөчө кырдаал киргизүү жөнүндөгү мыйзамды кабыл алууну кайрадан талап кылууда

Министрлер кабинети экономикага өзгөчө кырдаал режимин киргизүү жөнүндө мыйзамды кабыл алууну талап кылууну улантууда. Президенттин каршы пикиринен кийин мыйзам долбоору кайра каралып, оңдолуп-түздөлүп чыккан, бирок жалпысынан концепция ошол бойдон эле калды. Бул тууралуу депутат Дастан Бекешев өзүнүн Telegram-каналында билдирди.

Депутат белгилегендей, Салык кодексине экономикадагы өзгөчө кырдаалды форс-мажордук жагдайлар менен бирдей кылган түзөтүүлөр киргизилип жатат жана министрлер кабинетине салык режимин өзгөртүү укугу берилген, башкача айтканда, алар ыктыярдуу патентти алып салып, анын ордуна салык келишимин түзүүнү киргизе алышат.

«12 мыйзамга өзгөртүүлөр киргизилип жатат жана Министрлер Кабинети коомдук талкуусуз эле каалаган чечимдерди кабыл ала алат. Мындай нерселер «Нормативдик укуктук актылар жөнүндө» мыйзамда коюлган. Ишкерлер бир караса эле жаңы эрежелер иштеп жаткан болот», – деп жазган Бекешев.

Эске салсак, парламент бул мыйзам долбоорун 29-июлда дароо эле үч окууда, коомдук талкуусуз жана жөнгө салуучу таасирге анализ жүргүзбөстөн, ошондой эле коррупцияга каршы экспертизаны карабастан эле кабыл алган. Эксперттер документте экономикалык системанын туруктуулугуна коркунуч туудурган көптөгөн шектүү нормаларды табышкан. Алардын ою боюнча, экономикадагы өзгөчө кырдаалдар жөнүндөгү мыйзам коррупцияга кенен жол ачат.

Айтсак, бизнес коомчулугу дагы бул документке каршы болуп, президентти ага кол койбоого үндөгөн болчу. 27-сентябрда мамлекет башчысы мыйзам долбооруна каршы пикирин билдирип, аны кайра ЖКга кайтарып берген, эми бир айга жетпей долбоор кайра демилгеленип баштады.

Поделиться в соцсетях:

Последние новости

«Кепилдик фонду» 18 банкка сынак өткөрүп, эң мыкты креддик адистерди аныктады 2 декабрда 2022 г.    17:07
ЕРӨБ берген 12 млн доллар вагондорду сатып алууга жана бекемдөө иштерине кетет – келишимдин чоо-жайы 2 декабрда 2022 г.    16:11
Геосаясий фактор, логистика, алып-сатуу операциясы – Улуттук банк доллардын дефицитине түшүндүрмө берди 2 декабрда 2022 г.    15:37
Январь-ноябрь айларында пенсияга 52.5 млрд сом кетти – эң көп пенсионерлер Ош облусунда 2 декабрда 2022 г.    15:13
Доллардын курсу келерки жылы 83.3 сом деңгээлинде кармалат – ЕӨБдүн божомолу 2 декабрда 2022 г.    12:15
Кыргызстандын ИДПсынын өсүү темпи жыл аягында басаңдайт – ЕӨБ 2 декабрда 2022 г.    11:13
Япониянын тышкы соода уюму КРнын продукциясын экспорттоого көмөктөшөт 2 декабрда 2022 г.    10:14
«Манас» аэропортунда 1 млн сомдон ашык суммадагы баалуу металл уютундусу кармалды 2 декабрда 2022 г.    9:36
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют