КРнын Түркиядагы элчиси каякта? Өргүүгө кеткен боюнча кайрылып келген эмес

КРнын Түркиядагы элчиси каякта? Өргүүгө кеткен боюнча кайрылып келген эмес

Бүгүн, 18-октябрда, Эл аралык иштер, коргоо жана коопсуздук боюнча комитетинин жыйыны болуп өттү. Жыйында КРнын Түркиядагы элчиси Кубанычбек Өмүралиевди жоктошту. Депуттаттар ага чакыруу жибергенден кийин өргүүгө чыгып кеткенин жана Түркиядагы кайнатасы тарабынан өлтүрүлгөн жарандын маселеси турса, ал эс алууда жүргөнүн туура эмес деген пикирлерин айтышты.

Тышкы иштер министринин орун басары Айбек Артыкбаев КРнын Түркиядагы элчиси Кубанычбек Өмүралиев эс алууда экенин айтып, анын катышуусун 1-2 жумадан кийин камсыздап берүүнү сунуштады.

Элчинин эс алууда Кыргызстанда эле жүргөнүн уккан депутаттар эки саатка келүүгө убактысы жок экендигин айтып нааразы болушту.

Депутат Шайлообек Атазов: «Биз аны качан эле чакырбадык беле. Биз аны соттоюн деген оюбуз жок. Бул жер тергөөчүлүк эмес. Ал учурдагы кырдаалдан качып эле, эс алууга чыгып кеткендей көрүнүп жатат.  Түркиядагы мигранттардын укугу тебеленип жатат. Груз-200 болсо документтери табылбай турат. Мындай учурда элчи иштеш керек. Угуп жаткан болсо айтып коеюн, келгенде инвестициялар тууралуу, КР менен Түркиянын ортосундагы мамилелер тууралуу сурайлы деген максатта эле чакырганбыз. Биз чакыргандан кийин эс алууга чыгып кеткени бул туура эмес», – деди.

Депутат Айбек Осмонов Түркияда кайнатасы тарабынан өлтүрүлгөн кыргыз жараны жана КР менен Түркия ортосундагы 100дөн ашык келишимдердин көбү аткарылбай турганын, ошондой эле бул иштерди аткаруу элчинин милдети экенин баса белгиледи.

«Түркиядагы мигранттарыбыздын акыркы күндөрү абалы оор болуп турат. Кечээ эле Аят деген кызды көрдүңүздөр, кайнатасынын колунан мыкаачылык менен өлтүрүлдү. Ушундай иштер болуп жатканда анын эс алууга чыгып кеткени туура эмес. 2016-жылы Малика деген кызыбыз дагы ушундай болуп көз жумган. Ушул күнгө чейин 5 жылдан бери соту чечилбей келет. КР менен Түркиянын ортосунда 100дөн ашык келишимдерибиз бар, алардын кайсынысы аткарылды, кайсылар аткарылбай жатат, ошол боюнча маалымат алалы деген болчук.

КРга 35 млн долларга мечит салып береген TIKA деген уюм бар, алардан Ош шаарына оорукана салып берүүсүн сураныш керек. Элчи болгондон кийин бул сыяктуу иштерди жасаш керек да. Макул, инвестиция тарта албайт экен, колунан келбейт экен, уюмдар бар да иштешүүгө даяр турган. Ал уюм дүйнөдө 25 миң долбоорду ишке ашырган. Ош шаарында оорулуулар жатканга жай жок, элчи ошондой уюмдар менен сүйлөшүп, аларды тартып келбейби? Бюджети миллиарддаган доллар болгон бул уюм менен эмне үчүн иштешпейт? Анталияга бала кароочу болуп барган кыз-келиндерибиз психологиялык жактан көп жабыркайт, кайсы жака кайрылышын да билишпейт. Келсе сунуштарыбызды бермекпиз, жетишпей жаткан болсо. Коңшу мамлекеттер канча соцобъекттерин куруп иштешип жатышат, бизчи? Биз чакыргандан кийин өргүүгө чыгып кеткени туура эмес», – деди ал.

Эл аралык иштер, коргоо жана коопсуздук боюнча комитетинин башчысы Тазабек Икрамов дагы ТИМдин орун басарына депутаттардын пикири жүйөөлүү экендигин, элчи 2 аптада бардык депутаттар шайлоого кетип, бул маселе унутулат деген ойдо болуп жаткандыгын, алардын бул жыйынга катышуусуна министрлик жоопкерчиликтүү экенин билдирди. Ошентип элчини кийинки биринчи күндөгү боло турган комитетке келишине ишенээрин айтты.  

Поделиться в соцсетях:

НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют