Аскар Акаев Кыргызстанды эстеди – ал «Алтын балалык» борборуна 1 млн сом которду

Аскар Акаев Кыргызстанды эстеди – ал «Алтын балалык» борборуна 1 млн сом которду

Кыргызстандын биринчи президенти Аскар Акаев Чолпон-Ата шаарындагы ден соолугунун мүмкүнчүлүгү чектелген балдардын «Алтын балалык» реабилитациялык борборуна 1 млн сомдук илимий грант тапшырды. Бул тууралуу Kaktus.media порталына анын өздүк булактары ​​кабарлаган.

Акаев учурдагы президент Садыр Жапаровдун балдар борборун бүтүрүү демилгесин колдоп, ИУФАдан (Россиядагы Илимий Уюмдар боюнча Федералдык агенттик) 2021-жылга алынган илимий гранттан 1 млн сом бөлүп берген.

Белгилей кетсек, борбордун курулушу 2000-жылдары Акаевдин тушунда Майрам Акаеванын «Мээрим» фондусунун колдоосу менен башталган. Бирок 2005-жылдагы төңкөрүштөн кийин комплекс КРнын Саламаттык сактоо министрлигинин балансына өткөрүлгөн.

Ушул жылдын март айында Садыр Жапаров Саламаттыкты сактоо министри Алымкадыр Бейшеналиев менен бирге борборго келип, мекеменин курулушун бүткөрүүнү тапшырган. Учурда бир блок араб кайрымдуулук фонду тарабынан, экинчиси «Кумтөр Голд Компани» ЖАК тарабынан курулууда.

Ошондой эле Садыр Жапаров да мамлекет башчысынын фондунан бул борборго 3 млн сом, Министрлер кабинетинин фонду да 3 млн сом бөлүп бергенин президенттин маалымат кызматы кабарлады.

Эскерте кетсек, бүгүн Бишкек шаарында Токтогул Сатылганов атындагы улуттук филармонияда Ысык-Көл облусунун Чолпон-Ата шаарында жайгашкан «Алтын балалык» ден соолугунун мүмкүнчүлүгү чектелген адамдар жана балдар үчүн реабилитациялык борборун ишке киргизүү үчүн каражат топтоо боюнча кайрымдуулук марафону өтүүдө.

Поделиться в соцсетях:

Последние новости

«Кепилдик фонду» 18 банкка сынак өткөрүп, эң мыкты креддик адистерди аныктады 2 декабрда 2022 г.    17:07
ЕРӨБ берген 12 млн доллар вагондорду сатып алууга жана бекемдөө иштерине кетет – келишимдин чоо-жайы 2 декабрда 2022 г.    16:11
Геосаясий фактор, логистика, алып-сатуу операциясы – Улуттук банк доллардын дефицитине түшүндүрмө берди 2 декабрда 2022 г.    15:37
Январь-ноябрь айларында пенсияга 52.5 млрд сом кетти – эң көп пенсионерлер Ош облусунда 2 декабрда 2022 г.    15:13
Доллардын курсу келерки жылы 83.3 сом деңгээлинде кармалат – ЕӨБдүн божомолу 2 декабрда 2022 г.    12:15
Кыргызстандын ИДПсынын өсүү темпи жыл аягында басаңдайт – ЕӨБ 2 декабрда 2022 г.    11:13
Япониянын тышкы соода уюму КРнын продукциясын экспорттоого көмөктөшөт 2 декабрда 2022 г.    10:14
«Манас» аэропортунда 1 млн сомдон ашык суммадагы баалуу металл уютундусу кармалды 2 декабрда 2022 г.    9:36
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют