Бизнести колдоого ишкерлерге 72 млн доллар бөлүндү – Аны кайдан жана кантип алса болот?

Бизнести колдоого ишкерлерге 72 млн доллар бөлүндү – Аны кайдан жана кантип алса болот?

Кыргызстанда микро-, чакан жана орто ишканаларды шашылыш колдоо долбоору башталды. Донорлор пайызсыз кайтарымдуу каржылык жардам үчүн 72 млн доллар (6 млрд сомдон ашык) бөлдү.

Долбоордун максаты – майда, чакан жана орто ишканаларга COVID-19 пандемиясынан келип чыккан кризистен чыгууда, экономиканын басаңдашын жеңил өткөрүүгө жана жумуш орундарын сактоого жардам берүү. Анын алкагында 72 млн доллар өлчөмүндө пайызсыз каражат берилет. Бул болжол менен 6 млрд 84 млн сом.

Майда ишкерлерге жалпысынан 30 млн доллар, тагыраак айтканда, ар бирине – 100 миң сомдон, чакан жана орто ишканаларга – 42 млн доллар –  ар бирине 150 миңден 825 миң сомго чейин берилет. Кайтаруу мөөнөтү 18 ай.

Учурда бизнести каржылоо үчүн алгачкы 125 млн сом үч банкка которулду. Economist.kg мурда кабарлагандай, ишкерлер кайра кайтарымсыз пайыздык колдоо алуу үчүн  «ФинансКредитБанк», «Айыл Банк» жана «Коммерциялык банк Кыргызстан» банктарына кайрылса болот.

Финансылык колдоону кимдер ала алышат?

Каржылык жардамды эки категориядагылар алса болот. 2018-жылдын 1-июлунан 2019-жылдын 31-декабрына чейин кеминде бир жыл иштеген микро-ишкерлер, чакан жана орто бизнес менен алектенгендер. Айыл чарбасы каржыланбайт.

1.  Бул ыктыярдуу патенттин же жеке ишкердин каттоосунун күбөлүгүнүн негизинде иштеген жеке ишкерлер, жылдык кирешеси КНС боюнча каттоо чегинен 8 млн сомдон ашпагандар. Салык режими – ыктыярдуу патент, милдеттүү патент, бирдиктүү салык.

2. Жылдык кирешеси 8 млн сомдон 30 млн сомго чейин өзгөргөн ыктыярдуу патенттин же жеке ишкердин каттоо күбөлүгүнүн негизинде бир жылдан кем эмес иштеген юридикалык жактар, жеке ишкерлер. Салык режими – жалпы салык режими

Мында отчеттуулуктун жөнөкөйлөтүлгөн талаптары боюнча иштеген чакан ишкерлер бир жылдык активдүү ишин далилдеши керек.

Чакан жана орто бухгалтердик эсепти жүргүзгөн жана кирешелерин декларациялаган, кирешелүү же чыгашалуу эмес ишмердүүлүгүн, ошондой эле салык жана камсыздандыруу взнос карызынын жоктугун тастыкташы керек (2019-жылдын 31-декабрына карата).

Каражатты төмөнкүлөргө алса болот:
  • эмгек акы чыгымдары
  • жеткирүүчүлөрдүн эсеп-фактуралары
  • ижара чыгымдары
  • коммуналдык чыгымдар (анын ичинде интернет)

Талаптар, ошондой эле керектүү документтердин тизмеси финансылык жардам көрсөткөн банктан көз каранды. Дагы көбүрөөк маалымат алуу үчүн бул банктарга кайрылсаңыз болот: «ФинансКредитБанк», «Айыл Банк»«Коммерческий банк Кыргызстан».

Долбоордун алкагында дагы беш коммерциялык банк менен келишимге кол коюлган, анын ичинде «Азия Банкы», «Капитал-Банк Центральной Азии», «Халык Банк Кыргызстан», «Дос-Кредобанк» жана «Керемет Банк» бар.

Экономика министрлиги каражат пайызсыз негизде берилгени менен ал сумманы кайтаруу шарты бар экенин эскертет. Башкача айтканда, үстөк пайыз кошулбай, негизги сумманы гана кайтарат.

Бул программа Дүйнөлүк банк жана Азия инфраструктуралык инвестициялык банкынын колдоосу менен жүзөгө ашырылууда.

Поделиться в соцсетях:

Последние новости

«Кепилдик фонду» 18 банкка сынак өткөрүп, эң мыкты креддик адистерди аныктады 2 декабрда 2022 г.    17:07
ЕРӨБ берген 12 млн доллар вагондорду сатып алууга жана бекемдөө иштерине кетет – келишимдин чоо-жайы 2 декабрда 2022 г.    16:11
Геосаясий фактор, логистика, алып-сатуу операциясы – Улуттук банк доллардын дефицитине түшүндүрмө берди 2 декабрда 2022 г.    15:37
Январь-ноябрь айларында пенсияга 52.5 млрд сом кетти – эң көп пенсионерлер Ош облусунда 2 декабрда 2022 г.    15:13
Доллардын курсу келерки жылы 83.3 сом деңгээлинде кармалат – ЕӨБдүн божомолу 2 декабрда 2022 г.    12:15
Кыргызстандын ИДПсынын өсүү темпи жыл аягында басаңдайт – ЕӨБ 2 декабрда 2022 г.    11:13
Япониянын тышкы соода уюму КРнын продукциясын экспорттоого көмөктөшөт 2 декабрда 2022 г.    10:14
«Манас» аэропортунда 1 млн сомдон ашык суммадагы баалуу металл уютундусу кармалды 2 декабрда 2022 г.    9:36
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют