400 тонна жүгөрү талаада чирип кетүү коркунучунда турат

400 тонна жүгөрү талаада чирип кетүү коркунучунда турат


Дыйкандар КРдан жүгөрү экспорттоого мурда киргизилген тыюуну алып салууну суранышууда. Болбосо жүздөгөн тонна түшүм жөн эле чирип кетет. Бул тууралуу 24.kg маалымат агенттигинде өткөн маалымат жыйынында КРгы жүгөрү өстүрүүчүлөр ассоциациясынын төрагасы Шаршен Сыдыков билдирди.

«Жүгөрү – Кыргызстандын эң кирешелүү түшүмү. Быйыл 115-118 миң гектар жерге үрөн себилген. Болжолдуу түшүм 650-700 миң тоннаны түзөт. Республиканын жылдык талабы 250 миң тонна болсо, дыйкандарда 400 миң тонна бар. Экспортко тыюу салуу бизди таң калтырды. Түшүмдү эмне кылууну билбей жатабыз», – деди ал.

Ассоциациянын жетекчисинин айтымында, айыл-чарба продукциясын өндүрүүчүлөрдүн түшүм сактоочу жайлары жок. Сатуу базары да жок. Алардын көбү жүгөрүнү талаада таштап, анын чирип кетүүсүнө мажбур болушат.

«Келерки жылы жүгөрү аз айдалат да, түшүм азаят. Мунун баары тоют баасына таасирин тийгизет. Натыйжада, эт жана башка мал чарба азыктары кымбаттайт», – деди Сыдыков.

Алардын берген маалыматына ылайык, Айыл чарба министрлиги жүгөрү өстүрүүчүлөрдүн өтүнүчтөрүнө көңүл бурбай жатат. Эгерде эми эч кандай чара көрүлбөсө, дыйкандар митингге чыгууга аргасыз болушат.

Эске салсак, Кыргызстандан мал жана башка айыл чарба продукциясын экспорттоого убактылуу тыюу салуу Тилек Токтогазиев тарабынан 2020-жылдын 19-ноябрында киргизилген. Бул тыюу өлкөдөгү экономикалык абал турукташканча күчүндө болушу керек эле.

Поделиться в соцсетях:

НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют