КРда экспорт 16%га азайды, импорт 40%га көбөйдү

КРда экспорт 16%га азайды, импорт 40%га көбөйдү

Кыргызстанда экспорттук жѳнѳтүүлөр 16.5%га азайды, ал эми импорттук келип түшүүлөр, тескерисинче 40.3%га жогорулады. Бул тууралуу Улутстатком билдирет.

КРдагы товарлардын тышкы жана өз ара соодасынын көлөмү 2021-жылдын январь-июлунда 3.8 млрд долларды түздү жана 2020-жылдын январь-июлуна, тагыраак айтканда, пандемиянын курч учурлары болгон мезгилге салыштырмалуу 19.6%га көбөйдү.

2020

Эскерте кетсек,  Бүткүл Дүйнөлүк Банктын КРгы баш кеңсесинин өкүлү Навид Наквинин айтканына таянсак, 2020-жылы КРгы жакырчылыктын деңгээли 20.1%дан 31%га чейин өскөн, жыйынтыгында, жакырчылыкка дагы 700 миң адамдар кириптер болгон.

«Бул калкы 6.6 млн болгон өлкө үчүн өтө эле чоң көрсөткүч. Болжолдуу анализ көрсөткөндөй, аталган кризистин масштабы 30 жыл илгери СССР кыйрагандагы социалдык-экономикалык катаклизм менен барабар болуп жатат», – деген эле ал.

2021

Ал эми эгемендүүлүктүн 30 жылдыгына арналган иш-чарада президент Садыр Жапаров өлкөнүн экономикасы пандемияга чейинки абалына келишине дагы убакыт бар экенин билдирген болчу.  

«Өлкөнүн экономикасы пандемияга чейинки абалына 2023-жылга чейин келет деп божомолдоп жатабыз. 2021-жылы ИДПнын реалдуу өсүшү экономикалык активдүүлүк калыбына келгенде 3.8%ды, ал эми 2022-2023-жылдары орточо эсеп менен 4.4%ды түзөт», – деген ал.

2021-жылдын январь-июль айларында КРга жеке адамдардын акча которууларынын таза агылып кирүүсү 31.1%га жогорулап, 1.1 млрд АКШ долларынын тегерегин түзгөн. Бирок, буга карабастан 2021-жылдын январь-июль айларынын жыйынтыгы боюнча ИДПнын көлөмү өткөн жылдын ушундай эле көрсөткүчүнө салыштырмалуу 1.6%га төмөндөгөн.

Корутундулап айта турган болсок, өлкөнүн экономикасына дүйнөдөгү пандемия, кургакчылык, саясий туруксуздук, энергетикадагы кризис, күйүүчү майдын кымбатташы, экспорттун кыскарышы ж.б.у.с факторлор өз таасирин тийгизип жатат.

Поделиться в соцсетях:

Последние новости

«Кепилдик фонду» 18 банкка сынак өткөрүп, эң мыкты креддик адистерди аныктады 2 декабрда 2022 г.    17:07
ЕРӨБ берген 12 млн доллар вагондорду сатып алууга жана бекемдөө иштерине кетет – келишимдин чоо-жайы 2 декабрда 2022 г.    16:11
Геосаясий фактор, логистика, алып-сатуу операциясы – Улуттук банк доллардын дефицитине түшүндүрмө берди 2 декабрда 2022 г.    15:37
Январь-ноябрь айларында пенсияга 52.5 млрд сом кетти – эң көп пенсионерлер Ош облусунда 2 декабрда 2022 г.    15:13
Доллардын курсу келерки жылы 83.3 сом деңгээлинде кармалат – ЕӨБдүн божомолу 2 декабрда 2022 г.    12:15
Кыргызстандын ИДПсынын өсүү темпи жыл аягында басаңдайт – ЕӨБ 2 декабрда 2022 г.    11:13
Япониянын тышкы соода уюму КРнын продукциясын экспорттоого көмөктөшөт 2 декабрда 2022 г.    10:14
«Манас» аэропортунда 1 млн сомдон ашык суммадагы баалуу металл уютундусу кармалды 2 декабрда 2022 г.    9:36
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют