ЕРӨБ Ош шаарын таза суу менен камсыз кылууга 3 млн доллар бөлөт

ЕРӨБ Ош шаарын таза суу менен камсыз кылууга 3 млн доллар бөлөт

Ош шаарын таза суу менен камсыз кылууга 3 млн доллар сарпталат жана бул долбоорду ишке ашыруу боюнча атайын Бишкектен эксперттер чакыртылат. Ошондой эле аталган долбоорго каражатты Европа реконcтрукциялоо жана өнүктүрүү банкы (ЕРӨБ) берет. Бул тууралуу түштүк борбордун маалымат кызматы билдирди.

Берилген маалыматка ылайык, 5-август күнү Ош шаарынын мэринин милдетин аткаруучу Алмаз Мамбетов «Төлөйкөн суу тазалоочу пунктуна Даңги участкасынан суу түтүгүн тартуу» долбоору менен таанышуу үчүн Даңги аймагына барып, шаардыктарга таза суу жеткирүүдө жаралып жаткан көйгөйлөрдү жеринен көрүп кайткан.

«Таза суу маселеси Ош шаарындагы эң негизги көйгөй экендигин жакшы билем. Бүгүн бул мүчүлүштүккө өзүм да күбө болдум. Андыктан аз убакыттын ичинде чечүү жолдорун карап чыгып, ишке ашыруу зарылчылыгы турат. Ал үчүн борбордон таза суу чыгаруу боюнча ири долбоорлорду ишке ашырган, тажрыйбасы көп адистерди чакырып жатабыз. Коротулуучу акча каражатын туура пайдалануу үчүн ушундай багытка баруу керек. Антпесек, долбоор ишке ашып, натыйжасын бербей калса, шаардыктарга таза сууну берүүнүн токтошу негизги көйгөй боюнча калат», – деди Мамбетов.

«Төлөйкөн суу тазалоочу пунктуна Даңги участкасынан суу түтүгүн тартуу» долбоорун ишке ашыруу үчүн каражатты ЕРӨБ берет.

Белгилей кетсек, Ош жергесинде таза суу көйгөйү чечилбей келет. Жамгыр жааган күндөрү суу булганып кеткендигине байланыштуу суу токтотулуп, шаардыктар сууну парктардан чакалап ташып ичишет.


                            

Поделиться в соцсетях:

Последние новости

«Кепилдик фонду» 18 банкка сынак өткөрүп, эң мыкты креддик адистерди аныктады 2 декабрда 2022 г.    17:07
ЕРӨБ берген 12 млн доллар вагондорду сатып алууга жана бекемдөө иштерине кетет – келишимдин чоо-жайы 2 декабрда 2022 г.    16:11
Геосаясий фактор, логистика, алып-сатуу операциясы – Улуттук банк доллардын дефицитине түшүндүрмө берди 2 декабрда 2022 г.    15:37
Январь-ноябрь айларында пенсияга 52.5 млрд сом кетти – эң көп пенсионерлер Ош облусунда 2 декабрда 2022 г.    15:13
Доллардын курсу келерки жылы 83.3 сом деңгээлинде кармалат – ЕӨБдүн божомолу 2 декабрда 2022 г.    12:15
Кыргызстандын ИДПсынын өсүү темпи жыл аягында басаңдайт – ЕӨБ 2 декабрда 2022 г.    11:13
Япониянын тышкы соода уюму КРнын продукциясын экспорттоого көмөктөшөт 2 декабрда 2022 г.    10:14
«Манас» аэропортунда 1 млн сомдон ашык суммадагы баалуу металл уютундусу кармалды 2 декабрда 2022 г.    9:36
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют