Бизнес президентти экономикага өзгөчө кырдаал киргизүү жөнүндөгү мыйзамга кол койбоого чакырат

Бизнес президентти экономикага өзгөчө кырдаал киргизүү жөнүндөгү мыйзамга кол койбоого чакырат

Бизнес президентти экономикага өзгөчө кырдаал режимин киргизүү боюнча мыйзам долбооруна кол койбоого чакырат. Бул тууралуу базарлардын, соода жана тейлөө ишканаларынын ассоциациясынын аткаруучу директору Артур Ташибеков бүгүн, 2-августта брифингде билдирди.

Ташибеков мамлекет башчысын документти макулдашуу комиссиясына кайтарып берүүгө чакырды. Ал жерден эксперттер тобу, мамлекеттин жана калктын өкүлдөрү экономикага зыян келтирбей, пайда алып келе тургандай кылып мыйзам долбоорун иштеп чыгаарын билдирди.

Эскерте кетсек, Кыргызстанда экономикага өзгөчө кырдаал режимин алты айга киргизүү жөнүндө мыйзам долбоору кабыл алынган болчу.

Ташибеков белгилегендей, мыйзам долбоору бизнес коомчулугу менен макулдашылган эмес. «Министрлер кабинети парламенттин каникулга кеткенинен пайдаланып, чукул чара катары бул мыйзамды бир тараптуу кабыл алды», – деди Ташибеков.

Мыйзамга ылайык, экономикага өзгөчө кырдаал төмөнкү учурларда парламенттин макулдугусуз киргизилет:

  • эгерде отчеттук мезгилде өткөн жылга салыштырмалуу баалар 3.5%га өскөн болсо
  • эгер тышкы карыздын суммасы 10%га көбөйсө
  • эгерде акыркы үч айда ИДПнын экономикалык компоненттери 10%га кыскарган болсо
  • эгерде үч айдын ичинде тышкы соода жүгүртүүнүн көлөмү олуттуу төмөндөгөн болсо
  • эгерде акыркы үч айда салык чогултуу 10%га кыскарган болсо
  • эгерде акыркы чейректе инвестициялык абалдын начарлашы жана капиталдын 20%га чыгып кетиши байкалса.

Белгилей кетсек, коомдук талкуусуз жана жөнгө салуучу таасирин талдоосу жок эле демилгеленген бул мыйзам долбоору бизнес коомчулугуна жаккан эмес.

Бизнес-омбудсмен бизнес коомчулугу бул мыйзам долбоору тууралуу ЖМКдан билгендигине нааразы болгон эле. Робин Орд-Смит экономиканын калыбына келүүсүнө жетишүү үчүн мамлекет менен бизнес чөйрөсүнүн ортосунда диалог, анын ичинде бизнес чөйрөсүнө жана инвестициялык климатка түздөн-түз таасир этүүчү мыйзамдык демилгелерди коомдук талкууга салыш керек деп эсептейт.

Депутат Дастан Бекешев бул мыйзам долбоору министрлер кабинетинин ыйгарым укуктарын кеңейтүү максатында демилгеленген жана айрым ченемдер экономикалык туруктуулукка коркунуч туудурат деген пикирин айткан.

Поделиться в соцсетях:

Последние новости

Банктардын кредиттик портфелинде жыл башынан бери доллардын көлөмү 12%га кыскарды 28 ноябрда 2022 г.    10:50
Кыргызстандын Улуттук банкында 40 тоннага жакын “Кумтөр” алтыны сакталып турат – Садыр Жапаров 28 ноябрда 2022 г.    9:52
“Сосновка” постунда жасалма акциздик маркалары менен 4 миң бөтөлкө алкоголь кармалды 28 ноябрда 2022 г.    9:34
«Элсом» китепканачылардын жана кыргыз тилчи мугалимдердин форумуна катышып, колдоо көрсөттү 25 ноябрда 2022 г.    17:58
Садыр Жапаров коррупцияны азайта албаганын мойнуна алды 25 ноябрда 2022 г.    17:14
Дүйнөлүк банк Баткендин бюджетин жана ишкерлерин колдоо үчүн 25 млн доллар бөлдү 25 ноябрда 2022 г.    16:36
Кыргызстандын бизнеси бюджетке 29 млрд сомдон ашык карыз 25 ноябрда 2022 г.    15:58
Кытайдан Өзбекстанга темир жолдун курулушун изилдөө үчүн кытайлык инженерлер келишти 25 ноябрда 2022 г.    14:56
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют