Министрлер кабинети КНСтен бошотулган дары-дармектердин тизмесин кыскартууну көздөөдө

Министрлер кабинети  КНСтен бошотулган дары-дармектердин тизмесин кыскартууну көздөөдө

Министрлер Кабинетинин Төрагасынын орун басары Жылдыз Бакашова кошумча нарк салыгынан бошотулган дары-дармектердин жана медициналык багыттагы буюмдардын тизмесин кыскартуу жана аларды маркалоонун көзөмөлдөнүшүн киргизүү маселеси боюнча кеңешме өткөрдү. Бул тууралуу өкмөттүн маалымат кызматы кабарлады.

Жолугушуунун жүрүшүндө Жылдыз Бакашова аталган маселенин актуалдуулугун белгилеп, бир жумалык мөөнөттө КНСтен бошотулган дары-дармектердин жана медициналык багыттагы буюмдардын тизмесинен айрым позицияларды алып салууну караган Министрлер Кабинетинин чечиминин тийиштүү долбоорун киргизүүнү тапшырды. 

Ошондой эле Бакашова маркировканы пайдалануу менен  өндүрүүчүдөн акыркы колдонуучуга чейин дары-дармектерди көзөмөлдөө системасын иштеп чыгууну тездетүүнүн жана өлкөдө этап-этабы менен аны ишке ашыруунун маанилүүлүгүн белгиледи.

Ал бардык кызыкдар мамлекеттик органдардын катышуусунда ведомстволор аралык жумушчу топ түзүүнү жана тез арада бул долбоорду ишке ашыруу концепциясын иштеп чыгууну тапшырды.

Мындан тышкары, Саламаттык сактоо жана социалдык өнүктүрүү министрлигине, Санариптик өнүктүрүү министрлиги жана Экономика жана финансы министрлиги менен биргеликте Дары-дармектер жана медициналык буюмдар департаментинин ишин санариптештирүүнү жылдын аягына чейин жыйынтыктоо тапшырылды. 

Белгилесек, жогорудагы система үч этаптан турат.

  • Биринчи этаптын алкагында дары-дармек каражаттары жана медициналык багыттагы буюмдар боюнча ченемдик-маалымдама маалыматтардын бирдиктүү тутуму иштелип чыкты.
  • Ошондой эле КРнын электрондук мамлекеттик сатып алуулардын расмий веб-порталы менен интеграцияланды.
  • Экинчи этап Дары-дармектер жана медициналык буюмдар департаментинин ишмердүүлүгүндөгү бардык процесстерди жана процедураларды санариптик трансформациялоону камтыйт
  • Ал эми үчүнчүсү  – дары-дармектердин таңгактарын маркалоону жана идентификациялоону колдонуу менен дары-дармектердин кыймылын көзөмөлдөө болуп саналат.

Эске салсак, дээрлик бардык дары-дармектер жана айрым медициналык буюмдар импортто КНСтен бошотулган. Саламаттыкты сактоо министрлиги бул тизмени кыскартууну сунуштаган болчу. Тийиштүү токтом долбоору коомдук талкууга коюлуп, өкмөттүн сайтында жарыяланган эле.

Бул тизмеге 432 аталыштагы дары-дармектер жана 59 медициналык буюмдар киргизилген.

Бирок, жеңилдетилген салыкка карабастан, дары-дармектердин баасы жогору бойдон калып келет, ал тургай, кымбаттоо тенденциясына жакын. Ведомстводон билдиргендей, 2020-жылы КРнын аймагына алып келүү жана импорттоодо КНСтен бошотуу көлөмү 2 млрд 678 млн сомду түзгөн.

Поделиться в соцсетях:

Последние новости

«Кепилдик фонду» 18 банкка сынак өткөрүп, эң мыкты креддик адистерди аныктады 2 декабрда 2022 г.    17:07
ЕРӨБ берген 12 млн доллар вагондорду сатып алууга жана бекемдөө иштерине кетет – келишимдин чоо-жайы 2 декабрда 2022 г.    16:11
Геосаясий фактор, логистика, алып-сатуу операциясы – Улуттук банк доллардын дефицитине түшүндүрмө берди 2 декабрда 2022 г.    15:37
Январь-ноябрь айларында пенсияга 52.5 млрд сом кетти – эң көп пенсионерлер Ош облусунда 2 декабрда 2022 г.    15:13
Доллардын курсу келерки жылы 83.3 сом деңгээлинде кармалат – ЕӨБдүн божомолу 2 декабрда 2022 г.    12:15
Кыргызстандын ИДПсынын өсүү темпи жыл аягында басаңдайт – ЕӨБ 2 декабрда 2022 г.    11:13
Япониянын тышкы соода уюму КРнын продукциясын экспорттоого көмөктөшөт 2 декабрда 2022 г.    10:14
«Манас» аэропортунда 1 млн сомдон ашык суммадагы баалуу металл уютундусу кармалды 2 декабрда 2022 г.    9:36
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют