Жергиликтүү кеңештерде аялдардын көрсөтүлүшү 10дон 39%га жогорулады

Жергиликтүү кеңештерде аялдардын көрсөтүлүшү 10дон 39%га жогорулады

Жергиликтүү кеңештерде аялдардын көрсөтүлүшү 10дон 38.7%га жогорулады. Бул тууралуу Министрлер Кабинетинин Төрагасынын орун басары Жылдыз Бакашова КРгы БУУ тутумунун туруктуу координатору Озонниа Ожиело жана Европа биримдигинин элчиси Эдуард Аэур менен биргеликте «Теңдик нуру» демилгеси боюнча Өлкөлүк программанын улуттук жетекчилик комитетинин биринчи кеңешмесинде билдирди.

«Теңдик нуру» өлкөлүк программасынын өзгөчөлүгү – аны иштеп чыгуу жана ишке ашыруу процессине бир эле учурда Министрлер Кабинети, кызыкдар мамлекеттик органдар, жарандык коом уюмдары, БУУ тутумунун, Европа биримдигинин агенттиктери жана башка эл аралык өнөктөштөр тартылгандыгында турат. Алсак, жергиликтүү кеңештерде аялдардын көрсөтүлүшү 10дон 38.7%га жогорулатылышы сиздер менен биргеликте жасаган күч-аракеттердин негизинде мүмкүн болду», – деп белгиледи ал. 

Ошондой эле ал программанын өнөктөштөрүн өлкөнүн лидер аялдарынын каалоосун эске алууга чакырып, өлкөлүк программанын долбоорун кеңейтүүнү жана мүмкүн болушунча бүтүндөй республиканы, айрыкча Баткен облусунун район-шаарларын камтууну сунуш кылды.

БУУ тутумунун координатору Озонниа Ожиело ийгиликтүү жана жемиштүү өнөктөштүктө Министрлер Кабинетин колдоонун маанилүүлүгүн белгиледи.

Белгилесек, «Теңдик нуру» демилгеси дүйнөнүн 25 өлкөсүндө, анын ичинде КРда ишке ашырылып жатат. 2020-жылы Өлкөлүк программанын улуттук жетекчилик комитети түзүлүп, 12 пилоттук жамааттарда иш жүргүзүүдө деп билдирет өкмөттүн маалымат кызматы.

Комитеттин теңтөрагалык милдетин Жылдыз Бакашова жана КРдагы БУУнун туруктуу координатору Озонниа Ожиело аткарат.

Поделиться в соцсетях:

НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют