Ысык-Көлдө жаңы ачылган канаттуулар фабрикасы «Адал» сертификатын алды

Ысык-Көлдө жаңы ачылган канаттуулар фабрикасы «Адал» сертификатын алды

Кечээ, 21-июлда Ысык-Көлдө «АГРО КУШ» канаттуулар фабрикасынын ачылышы болуп өттү жана аталган фабрика адал стандарттарына ылайык, эттүү тукумдагы бройлер тоокторун көбөйтүүгө жана багууга, андан кийин союуга, кайра иштетүүгө адистешкен. Ишкана канаттуулардын этин союу жана кайра иштетүү процесси үчүн мамлекеттик «Адал» сертификатын алды. Бул тууралуу Экономика министирлигинин маалымат кызматы кабарлады.

«АГРО КУШ» ЖЧКсы өз процессинин шайкештигин тастыктап, КРнын Экономика жана финансы министрлигине караштуу Стандартташтыруу жана метрология борбору тарабынан Кыргызстан Мусулмандарынын Дин Башкармалыгы менен биргеликте берилген «Адал» мамлекеттик сертификатын алды.

Компаниянын негиздөөчүсү – «Адал Азык» ЖЧКсы болуп саналат (Тойбосс соода маркасы).

«АГРО КУШ» ЖЧК Ысык-Көл облусунун Ысык-Көл районунда жайгашкан, 1980-жылдары пайдаланууга берилген эски канаттуулар фабрикасынын базасында өндүрүш процессин түзгөн. Эски канаттуулар фабрикасын сатып алган учурда, фабрика баштапкы долбоордук кубаттуулугунун болжол менен 20% деңгээлинде иштеп келген.

Өндүрүш кубаттуулугун жогорулатуу максатында «АГРО КУШ» ЖЧКсы инкубациялоо, багуу, союу жана канаттуулар өндүрүшүнүн калдыктарын кайра иштетүү үчүн Европа, Түркия жана Россиядан жаңы жабдууларды сатып алган.

Өндүрүштүк кубаттуулугу:

  • Жумурткаларды инкубациялоо жана жылына 9.5 млн жакын бройлер балапанын чыгаруу
  • 22 канаттуулар короосунда бройлерлерди багуу жылына 3.5 млн. баш
  • Ар кандай курактагы канаттуулар үчүн кошмо тоют өндүрүү, кубаттуулугу саатына 10 тонна
  • Кубаттуулугу саатына 3000 баш канаттуулар этин союу жана кайра иштетүү
  • Эт-сөөк унун алуу үчүн союлгандан кийинки калдыктарын кайра иштетүү бир сменада 20 тоннаны түзөт.

Поделиться в соцсетях:

Последние новости

Студенттердин курстук иштери стартапга айланса өкмөт мугалимдерди 500 долларлык сыйлык менен стимулдаштырууга даяр 7 декабрда 2022 г.    17:40
Жыл башынан бери салык жана камсыздандыруу төгүмдөрү боюнча 15.8 млрд сом эсептен чыгарылды 7 декабрда 2022 г.    17:15
Кыргыз-тажик чек арасынын 17.6 км сызыгынын өтүү долбоору даярдалды 7 декабрда 2022 г.    16:45
Баткен жана Ош областтарындагы куралдуу кагылышууда жабыркагандардын 20 млн сомдук кредиттер жоюлду – Улуттук банк 7 декабрда 2022 г.    16:15
Азия өнүктүрүү банкынан алынуучу $50 млн насыянын баарына Казакстан менен Түркмөнстандын электр энергиясы сатып алынат 7 декабрда 2022 г.    15:45
«Манас» аэропортуна инвестиция жана тез арада учуу тилкесин реконструкциялоо керек – Бекешев 7 декабрда 2022 г.    15:28
«Франшизалар форуму-2022» Кыргызстандагы эң ири форуму болуп 1500ден ашык катышуучуну чогултту 7 декабрда 2022 г.    14:45
«Текстиль Транс» Токмоктогу пахтаны кайра иштетүүчү заводду курууга 100 млн сом тартты 7 декабрда 2022 г.    14:15
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют