ОКӨФ «Росатом» менен кызматташтыкты бекемдөөгө макулдашты

ОКӨФ «Росатом» менен кызматташтыкты бекемдөөгө макулдашты

Орус-кыргыз өнүктүрүү Фондунун (ОКӨФ) Башкармалыгынын Төрагасы Артем Новиков РФга болгон жумушчу сапарынын алкагында, Москва шаарында «Росатом» мамлекеттик корпорациясынын аймактык вице-президенти Сергей Громов менен жолугушту. Бул тууралуу аталган уюмдун басма сөз кызматы билдирди.

Эки тарап КРгы биргелешкен долбоорлорду ишке ашырууну талкуулашты, андан тышкары, консультациялык жана эксперттик колдоо, ошондой эле чакан «Лейлек» ГЭСин куруу долбоорун ишке ашыруу жөнүндөгү натыйжалуу иштер сүйлөшүлдү. Ошондой эле, калкты таза ичүүчү суу менен камсыз кылуу долбоорлорунун алкагында, жаңыланып туруучу энергия булактары, сууну тазалоо жаатында биргелешкен кызматташуунун чоң мүмкүнчүлүктөрү бар экендигин белгилешти.

Тараптар КРнын аймагында электр унааларын жана электр автобустарын өндүрүү боюнча биргелешкен кооперативдик тармакты өнүктүрүү үчүн энергияны өндүрүү жана сактоо боюнча көп функционалдуу борборду түзүү жараянын талкуулаганын ОКӨФтүн маалымат кызматы кабарлады.

Мындан тышкары, айыл чарба продукцияларын кайра иштетүү борборлорун курууда, анын жарактуулук мөөнөтүн 3-4 эсеге көбөйтүүгө, ошондой эле онкологиялык ооруларды дарылоо үчүн жогорку деңгээлдеги кубаттуулуктарды киргизүү менен заманбап ядердик медицина борборун түзүү долбооруна инвестицияларды тартуу мүмкүнчүлүктөрү жөнүндө сөз болду.

Жолугушуунун жыйынтыгында ОКӨФ менен «Русатом» эл аралык тармагынын ортосунда белгиленген негизги багыттар боюнча эки тараптуу кызматташтыкты чыңдоону караган, өз ара түшүнүшүү жөнүндө меморандумга кол коюлганын аталган фонд маалымдады.

Поделиться в соцсетях:

НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют