«Жумушсуз» көрүнгөн бизнесмендер жергиликтүү кеңештерге ат салышууда

«Жумушсуз» көрүнгөн бизнесмендер жергиликтүү кеңештерге ат салышууда

Шаарларда жергиликтүү кеңешке ат салышып жаткан депутатыкка талапкерлер бир же бир канча эле кирешелүү тармактын өкүлдөрү. «Жалпы иш» коомдук фондунун аналитиктери ушундай тыянакка келишти.

Бишкек жана Ош шаарларында акыркы жылдары курулуш бизнеси активдүү өнүгүүдө. Ошого жараша шаардык кеңешке курулуш компаниясында иштегендер же алардын кожоюндары депутатыкка ат салышууда. Бирок ошол эле учурда, Чүй облусунун жергиликтүү кеңештеринде агрардык бизнестин өкүлдөрү басымдуулук кылат.

Политолог Эмил Жураевдин айтымында, бизнесмендер эмнеге бийликке умтулуп атышканы айдан-ачык иш.

 «Анткени муниципалдык органдар көптөгөн тендерлерди жарыялашат, ал тендерлердин «келечеги» жергиликтүү кеңештер аркылуу чечилет. Андан сырткары, дээрлик, ар бир региондун өзүнүн өнүктүрүү фонду бар, аларга салык жана республикалык чегерүүлөрдөн сырткары, тоо-кен иштеткен ишканалардан чоң суммадагы акча каражаттары түшүп турат. Эми элестетиңиз, курулуш, калыбына келтирүү иштер үчүн канчалаган тендерлер жарыяланаарын», – деп түшүндүрдү эксперт.  

«Жалпы иш» коомдук фондунун адситери Аймактык шайлоо комиссиясына (АШК) талапкерлердин 47%ы жумушсуз деп катталгандыгын, бирок иш жүзүндө алардын жумуштары бар экендигин аныкташкан. Ал эле эмес, алардын көбү коммерциялык уюмдардын директорлору жана кожоюндары болуп саналышат.

«Бул адамдар шайлоочуларды өз ишмердүүлүгүнө жана компанияларына көңүл бурдурткусу келбейт. Бул купуялуулук өтө жакшы эмес. Талапкерлер салык жана фискалдык органдар аларга ашыкча суроолорду берет деп коркушат. Бирок бул органдар кимдин кайсы жерде иштээрин ансыз деле мыкты билишет», – деп түшүндүрдү Эмил Жураев.

Политолог сөзүн жыйынтыктап жатып, өздөрүн калп эле жумушсуз деп тааныштырган, элдин кызыкчылыктарын коргоо үчүн бараткан кадидаттар – өзүнүн шайлоочуларын сыйлабагандыгы деп билдирди.

Поделиться в соцсетях:

Последние новости

«Кепилдик фонду» 18 банкка сынак өткөрүп, эң мыкты креддик адистерди аныктады 2 декабрда 2022 г.    17:07
ЕРӨБ берген 12 млн доллар вагондорду сатып алууга жана бекемдөө иштерине кетет – келишимдин чоо-жайы 2 декабрда 2022 г.    16:11
Геосаясий фактор, логистика, алып-сатуу операциясы – Улуттук банк доллардын дефицитине түшүндүрмө берди 2 декабрда 2022 г.    15:37
Январь-ноябрь айларында пенсияга 52.5 млрд сом кетти – эң көп пенсионерлер Ош облусунда 2 декабрда 2022 г.    15:13
Доллардын курсу келерки жылы 83.3 сом деңгээлинде кармалат – ЕӨБдүн божомолу 2 декабрда 2022 г.    12:15
Кыргызстандын ИДПсынын өсүү темпи жыл аягында басаңдайт – ЕӨБ 2 декабрда 2022 г.    11:13
Япониянын тышкы соода уюму КРнын продукциясын экспорттоого көмөктөшөт 2 декабрда 2022 г.    10:14
«Манас» аэропортунда 1 млн сомдон ашык суммадагы баалуу металл уютундусу кармалды 2 декабрда 2022 г.    9:36
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют