Ош шаарында, Accelerate Prosperity жана борборунун мэриясынын колдоосу менен, Баткен, Жалал-Абад жана Ош облустарынын балдарды эрте өнүктүрүү секторунун ишкерлери үчүн, бизнес-акселераторун ачылышын өткөрдү.
120дан ашуун арыздардын ичинен 30 компания тандалып алынды, алар акысыз окутуудан өтүшөт, алар мектепке чейинки курактагы балдарды өнүктүрүү жаатында мамлекеттик стандарттарды, ошондой эле улуттук жана эл аралык билим берүү программаларын үйрөнүүнү камтыйт.
Мындан тышкары, бардык катышуучулар бизнес-процесстерди башкаруу, маркетинг жана каржылык моделдөө боюнча терең билим алышат, ошондой эле кесипкөй бизнес-консультанттар (бизнес-трекерлер) жана эл аралык эксперттер менен жеке сессияларды өтүшөт.
Акселерация программасынын биринчи күнүндө Accelerate Prosperity командасы катышуучуларды окутуу программасы менен тааныштырып жана трекерлер (бизнес-планды ишке ашыруу үчүн кесипкөй бизнес консультанттар) менен иштөө боюнча айтып берди. Ар бир катышуучу уюштуруучуларга жана ишкерлерге өз долбоорлору жөнүндө кыскача презентацияны сунуштоого мүмкүнчүлүк алышты.
«Акселератордун биринчи күнү абдан сонун өттү деп ойлойм. Менин өнүгүүмдүн мындан аркы жолуна шыктандым. Албетте, бизнес долбоорумду ийгиликтүү сунуштап, инвестиция алсам дейм. Менин аракетиме ишенем. Өзгөчө маркетинг жаатында, ошондой эле мектепке чейинки билим берүү жаатында билимимди кеңейтким келет», — деп акселератордун катышуучусу жана Ош шаарындагы «Азбука Детства» бала бакчасынын директору Джолдошбаева Айжан өзүнүн таасирлери менен бөлүштү.
«Биз түштүк аймактарда ишке ашырылып жаткан жана социалдык ишкердүүлүктү өнүктүрүүгө, өзгөчө балдарды эрте өнүктүрүүгө багытталган Accelerate Prosperity бизнес-акселераторун колдоого алгандыгыбызга абдан кубандык. Ош шаардык мэриясы мектепке чейинки билим берүү чөйрөсүндө чакан жана орто бизнести колдоого жана өнүктүрүүгө багытталган мындай долбоорлорду колдоого каалоосун жана даярдыгын билдирет”, — деди Ош шаарынын вице-мэри Эмил Шадыханов.
7 жумалык тездетүү программасы демо күн менен аяктайт, анда катышуучулар инвестициялык комитетке жана потенциалдуу инвесторлорго өз бизнес пландарын тааныштырышат. Инвестициялык комитет тарабынан жеңүүчү деп тандалган компаниялар Accelerate Prosperity тарабынан 50 000 долларга чейин инвестиция жана техникалык колдоо ала алышат.
Accelerate Prosperity (АР) бизнес-акселератору АКШнын Эл аралык Өнүктүрүү Агенттиги (USAID) жана Ага Хан Фонду тарабынан каржыланган “Жергиликтүү өзгөрүү” долбоорунун алкагында уюштурулган.
USAID жана Ага Хан Фонду “Жергиликтүү өзгөрүү” долбоору тармактардагы жана бир нече өлкөлөрдөгү аялуу жамааттардын арасындагы негизги көйгөйлөргө жаңы, инновациялык чечимдерди табууга умтулат.
