Канада бийлиги «Кумтөр» боюнча чечимге нааразы

Канада бийлиги «Кумтөр» боюнча чечимге нааразы

Бүгүн Канаданын тышкы иштер министри Марк Гарно менен чакан ишкерлик, экспорт жана эл аралык сооданы өнүктүрүү министри Мэри Ын Кыргызстандын тоо-кен тармагындагы акыркы окуялар боюнча биргелешкен билдирүүсүн жарыялап, анда «Кумтөр Голд» ишканасына тышкы башкаруу киргизүү тууралуу кыргыз өкмөтүнүн чечимине нааразы экенин билдиришкен.

«Канада КРнын маанилүү инвестициялык өнөктөшү катары тоо-кен тармагында уланып жаткан акыркы окуяларга тынчсызданууда. Биз КРнын парламенти 17-майда өткөргөн кезексиз жыйынында «Центерра Голдго» көзөмөл жүргүзүү үчүн «Кумтөр Голд» компаниясына тышкы башкаруу киргизүүгө өтүү тууралуу чечим кабыл алганына, ошондой эле Кыргызстан көптөгөн эл аралык активдер менен канадалык компаниянын үстүнөн көзөмөл жүргүзүүгө жетише турганы тууралуу билдирүүгө таң калып турабыз. Бул КРга  түз келген чет өлкөлүк инвестицияларга узак убакытка залалын тийгизиши ыктымал» – деп айтылат билдирүүдө.  

Ошондой эле Канада чет өлкөлүк инвесторлор менен КРнын Министрлер кабинетинин ортосундагы бул талаш – бирге иштешкен тараптар үчүн ачык-айкын чечилбегенине тынчсызданат.

«COVID-19 пандемиясынан кийин экономиканы толугу менен калыбына келтирүү үчүн ачык-айкын жана акыйкаттуу ишкердик чөйрөсү керек. Соода жана чет өлкөлүк түз инвестициялардын көлөмүн төмөндөтө турган мындай чаралар кыргыз элинин экономикалык абалын ого бетер кыйынчылыкка кириптер кылат», – деп билдирет Канада тарап.

Эскерте кетсек, кечээ 17-майда Жогорку Кеңеш министрлер кабинетине «Кумтөр Голд» ишканасына убактылуу тышкы башкаруу киргизүүнү тапшырган.

Поделиться в соцсетях:

НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют