Донорлор суу менен камсыз кылууга Ноокатка жарым миллион сом бөлүшөт

Донорлор суу менен камсыз кылууга Ноокатка жарым миллион сом бөлүшөт

Европалык Реконструкция жана Өнүгүү Банкы (ЕРӨБ), Евросоюз жана Япония Ош областынын Ноокат шаарчасын суу менен камсыз кылуу долбооруна 4.8 млн евро (азыркы курс менен 490 млн сом) бөлөт.

ЕРӨБнын маалымат кызматынын өкүлү билдиргендей, Ноокаттын эскирип калган, суу менен камсыз кылуу тармагын жаңылоо долбоорун башташат. Бул каржылоо шаардагы суу өткөрүүчү тармакты жаңыртууга, суу эсептегичтерин коюуга, өрт гидранттарын, атайын жабдыктарды жана системага кызмат кылган транспортторду сатып алууга жумшалмакчы.  

Инвестиция реконструкцияланган системадагы сууну тазалоого жана таасирдүү насостук станцияларды курууга багытталат.

ЕРӨБнын долбоору 15 жылдык кредит катары 2.2 млн евро берсе, Евросоюз капиталдык грант катары 2 млн евро бөлмөкчү. Андан сырткары, инженердик-техникалык колдоого жана муниципиалдык ишканалардагы корпоративдик башкарууну жакшыртууга, бухгалтердик учет, компаниянын операциялык ишмердигин алпарууга Япония 600 миң евро берет.

Бул жардамдардын негизинде муниципиалдык ишканалар азыркы кардарлар базасын 10 миңден 26 миңге чейин көбөйтүп, финансылык абалын турукташтырып, керектөөчүлөрдү таза суу менен он жылдар бою камсыздай алат.  

Натыйжада, компания 1.65 млн м3  ичүүчү сууну үнөмдөйт жана 93 миң кВт/с энергияны жоготууну кыскартат.

Долбоордун жыйынтыгында:

  • Ноокаттын 26 миң  жашоочусу таза суу менен камсыз болот
  • Суу ресурстары туура колдонулуп, энергия үнөмдөлөт

Поделиться в соцсетях:

НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют