Кыргызстан КМШ өлкөлөрүнүн ичинен биринчиден болуп Airbus A220 авиалайнерин колдонууга киргизет

Кыргызстан КМШ өлкөлөрүнүн ичинен биринчиден болуп Airbus A220 авиалайнерин колдонууга киргизет

Кыргызстан КМШ өлкөлөрүнүн ичинен биринчиден болуп Airbus A220 тобундагы жаңы моделдеги авиалайнерди эксплуатацияга киргизет. Авиакомпания «Эйр Манас» аталган учактын оператору болмокчу. Мындай маалымат менен ААК «Манас» эл аралык майданынын маалымат кызматы билдирди.

«Жогоруда айтылган учак Кыргызстанга апрель айында алынып келинүүсү күтүлүүдө. Аталган А220-300 үлгүсүндөгү аба транспорту эгемендүү Кыргызстандын тарыхындагы биринчи учак болмокчу. Экинчи мындай авиалайнер 2021-жылы келүүсү күтүлүүдө», – дейт «МЭАМ» ААКму.  

Жогорку класстагы мындай авиалайнерлерди эсплуатациялоо Кыргызстан үчүн чоң мааниге ээ – ата-мекендик авиация кыйынчылыктарды жеңүүгө жана алдыга жылууга аракет кылууда. Анткени сапаттуу авиациялык кызматка болгон калктын талабы күн сайын өсүп барат. А220 тобундагы жаңы учактын пайда болушу, авиакомпаниялардын эл аралык стандартка умтулушу, жакынкы келечекте өлкө 2006-жылы кирип калган «кара тизмеден» чыгуусуна түрткү болот. Бул Кыргызстандын европалык жаңы авиация базарына кирүүсүнө жол ачат деген ишеничте экенин компаниядан билдиришти.

Учактар тууралуу

Алып келине турган A220-300 учагы биринчи класстык компоновка салонуна ээ жана 145 жүргүнчүнүн кеңири, комфортабелдүү учуусуна  ылайыкташтырылган. «Эйр Манас» бул учакты ички жана эл аралык КМШ, Чыгыш Азия багыттарына учурууну пландоодо. Аталган лайнердин жогорку ыраактыгы алыс аралыкка эч кандай токтобостон учуусуна мүмкүндүк берет.  

AIRBUS авиалайнерин эксплуатациялоо үчүн «Эйр Манас» компаниясынын  тажрыйбалуу экипаж жана техникалык жумушчулары Франкфурт жана Цюрихте (Lufthansa Flight Training Center) окуп, AIRBUS Canada компаниясында A220 учагынын кызматкерлерин даярдоо курсунда да толук кандуу даярдыктан өтүштү. Белгилей кетчү нерсе, ата-мекендик адистер биринчи жолу чет элдик эң ири авиакуруучу компаниядан аттестация алышты.

А220 тобунун учактары жаңы технология менен жасалгандыгы үчүн эң тынч учуучу жана экологиялык таза болуп эсептелет. Бул типтеги авиалайнерлер эски муундагы учактарга салыштырмалуу бир орунга кеткен күйүүчү майды 25% га чейин үнөмдөйт жана 50% га чейин аз үн чыгарат, ал эми оксид азотун нормадан 50% га аз бөлүп, айлана-чөйрөгө да зыяндуулугу азыраак.  

Бүгүнкү күндө, AIRBUS А220 тобундагы 140 тан ашык учакты чыгарып, аны «Эйр Манас» компаниясын кошкондо тогуз операторго бөлүп берген. Бул Кыргызстан үчүн чоң жетишкендик болуп эсептелет. Ошондой эле мындай учактар Азияда, Америкада, Европада жана Африкада ийгиликтүү колдонулат.   

Поделиться в соцсетях:

Последние новости

«Кепилдик фонду» 18 банкка сынак өткөрүп, эң мыкты креддик адистерди аныктады 2 декабрда 2022 г.    17:07
ЕРӨБ берген 12 млн доллар вагондорду сатып алууга жана бекемдөө иштерине кетет – келишимдин чоо-жайы 2 декабрда 2022 г.    16:11
Геосаясий фактор, логистика, алып-сатуу операциясы – Улуттук банк доллардын дефицитине түшүндүрмө берди 2 декабрда 2022 г.    15:37
Январь-ноябрь айларында пенсияга 52.5 млрд сом кетти – эң көп пенсионерлер Ош облусунда 2 декабрда 2022 г.    15:13
Доллардын курсу келерки жылы 83.3 сом деңгээлинде кармалат – ЕӨБдүн божомолу 2 декабрда 2022 г.    12:15
Кыргызстандын ИДПсынын өсүү темпи жыл аягында басаңдайт – ЕӨБ 2 декабрда 2022 г.    11:13
Япониянын тышкы соода уюму КРнын продукциясын экспорттоого көмөктөшөт 2 декабрда 2022 г.    10:14
«Манас» аэропортунда 1 млн сомдон ашык суммадагы баалуу металл уютундусу кармалды 2 декабрда 2022 г.    9:36
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют