Кыргызстанда дагы бир эл аралык аба майданы ачылат

Кыргызстанда дагы бир эл аралык аба майданы ачылат

«Эти Бакыр Терексай» кыргыз-түрк ишканасы Жалал-Абад областында «Кербен» аба майданын кеңейтип жана реконструкциялоону каржылайт. Модернизациялоодон өткөндөн кийин бул аба майдан эл аралык статусуна ээ болот. Ошентип Кыргызстанда дагы бир эл аралык  аэропорт пайда болот. Мындай кабарды ААК «Манас» эл аралык аба майданынын маалымат кызматы билдирди (МЭАМ, мамлекеттик үлүшү 79%).

Маалыматка ылайык, МЭАМ менен «Эти Бакыр Терексай» ишканасы ортосунда биринчи сүйлөшүүлөр ийгиликтүү өттү. Жыйынтыгында, «Кербен» регионалдык аба майданын реконструкциялоо жана кеңейтүү чечимдери келип чыкты.

«Учурда «Эти Бакыр Терексай» ишканасынын «Кербен» аба майданын модернизациялоого түз инвестиция салуусу жана менчикти эрежесиз өзгөртүүгө болбой турган, эки тарапка тең пайдалуу шартта кызматташуунун жолдору тууралуу талкуу жүрүп жатат. Бул кызматташуунун жыйынтыгында, «Кербен» аба майданы ICAO эл аралык стандартка жооп берген, жакшыртылган жасалма учуп-конуучу тилкеге ээ болмокчу. Реконструкциядан өткөн аба майдан эл аралык статусун алууга мүмкүнчүлүгү болот», –  деп айтылат «Манас» эл аралык аба майданынын билдирүүсүндө.


Мурдараак Economist.kg белгилегендей, 2021-жылдын январь айынан тартып«Эти Бакыр Терексай» «Кербен» аба майданын реконструкциялоону каржылап жана 35 км турган Ала-Бука – Кировка жолун капиталдык ремонттон өткөрүүгө акча бөлүүнү пландап жатканын жарыя кылган.  

Эки инфраструктуралык долбоорду каржылоо келишими 2020-жылдын декабрында болгон сапарда, биринчи вице-премьер-министр Артем Новиковдун жетекчилиги астында ишке ашкан.


Эскерте кетсек, 15-декабрдан тартып  «Эти Бакыр Терексай» ишканасы «Терексай» руднигиндеги алтын өндүрүүчү фабриканын жана калдык сактоочу жайдын курулушун жандандырган эле. Бирок бул жумуштар октябрдын башында жергиликтүү калктын бир тобунун талабы менен токтоп калган болчу. Компания бири каршы болгон, экинчиси колдогон эки топтун кагылышуусунан чочулап, алардын талабына макул болгон.  


 «Эти Бакыр Терексай» ЖЧК — бул бириккен кыргыз-түрк ишканасы, ал 2016-жылы «Терексай» зыяндуу руднигинин базасында түзүлгөн. Бириккен ишкананы 25% жана 75% үлүшү менен «Кыргызалтын» (мамлекеттик үлүшү 100%) жана ири түрк Cengiz Holding конгломератына кирген түрк «Эти Бакыр» АК түптөгөн.

Жаңы фабрика

2020-жылдын 25-сентябрында «Эти Бакыр Терексай» компаниясы «Терексай» руднигинде бир жылда 1 млн тонна руданы иштеп чыгуучу кубатка ээ жаңы алтын өндүрүүчү фабриканын курулушун баштаган. Жаңы фабрика советтик жана технологиялык жактан да эскирип бүткөн, кубаттуулугу 10 эсе аз АӨФ нын ордун басмак. Жаңы фабрика менен Терек, Тереккан жана Перевальное сыяктуу пайдалуу кендердин чыккан жерлерин ачууга жана иштетүүгө мүмкүн болот.

Поделиться в соцсетях:

Последние новости

Кыргызстандыктар үчүн АКШнын туристтик визасы 5 жылдан 10 жылга чейин узартылышы мүмкүн 6 декабрда 2022 г.    17:50
Кеминде спорт комлексти куруунун ордуна ишкер 7.4 млн сомду жеке кызыкчылыгына пайдаланган – Башкы прокуратура 6 декабрда 2022 г.    17:20
Баткенде дээрлик 6 тоннаны түзгөн контрабандалык күрүч кармалды 6 декабрда 2022 г.    16:50
Суу чарба объектилерин оңдоого 956 млн сом сарпталды 6 декабрда 2022 г.    16:20
Улуттук банк оффшордук аймактарга Кюрасаону киргизди 6 декабрда 2022 г.    15:50
2023-жылы Милдеттүү медициналык камсыздандыруу фондунун бюджети 27.2 млрд сомду түзөт 6 декабрда 2022 г.    15:18
«Аэро Номад Эйрлайнс» Бишкек-Гоа-Бишкек багыты боюнча чартердик каттамдарды ачат 6 декабрда 2022 г.    14:00
Кыргызстанда микрокредиттерди накталай эмес формада берүүгө мүмкүнчүлүк берилет 6 декабрда 2022 г.    13:30
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют